"მანჩესტერ იუნაიტედის" ლეგენდა, პოლ სქოულზი თვლის, რომ რობინ ვან პერსის ტრავმა ხუან მატას დაეხმარება, რათა საკუთარი თავი უკეთესად წარმოაჩინოს.
დღეს ცნობილი გახდა, რომ მუხლის ტრავმის გამო პერსი მთელი დარჩენილი სეზონის განმავლობაში იუქმებს.
ამგვარად, რუნის თავდასხმაში პარტნიორი გამოაკლდა, მაგრამ ამავდროულად ხუან მატას მიეცა შანსი ვინგერის პოზიციიდან ტიპიური "ათიანის" პოზიციაზე ითამაშოს. სქოულზის აზრით სწორედ ეს დაეხმარება ესპანელს გახსნაში.
"ვფიქრობ როგორც კოლექტივმა, როგორც მოთამაშეთა ჯგუფმა ბევრი გოლი უნდა გაიტანო. რა თქმა უნდა რობინმა უდიდესი დახმარება აღმოგვიჩინა გასულ წელს ჩემპიონობის მოპოვებაში, მაგრამ ნებისმიერ შემთხვევაში შენ პარტნიორი გჭირდება, რომელიც პასებს მოგაწვდის."
"ჩვენს გუნდს ასევე ჰყავს უეინ რუნი და ჯერ კიდევ შეგვიძლია უამრავი გოლის გატანა. ვფიქრობ ეს შანსი იქნება ხუან მატასთვის, რათა საყვარელ პოზიციაზე ითამაშოს და გაიხსნას." - ციტირებს სქოულზის სიტყვებს Goal.