"მანჩესტერ იუნაიტედის" თავდამსხმელი, უეინ რუნი გამოტყდა, რომ მას დიდი ხანია ოცნებად აქვს ისეთი გოლის გატანა, როგორიც მან "ვესტ ჰემ იუნაიტედს" გაუტანა.
რუნი არ მალავს, რომ ასეთი სახის დარტყმებზე დიდხანს მუშაობდა, მაგრამ გუშინდელი დარტყმა მან მხოლოდ ინსტინქტურად განახორციელა - ინსტინქტმა კი არ უმტყუნა რუნის.
"ვფიქრობ უბრალოდ ინსტინქტია. მოვიხედე, კარებს გავხედე და დავინახე, რომ მეკარემ კარი დატოვა. ბევრჯერ ვეცადე მსგავსი გოლის გატანას და საბედნიეროდ ამჯერად გამოვიდა."
"მსგავს დარტყმებს ვარჯიშებზე ასრულებ, მატჩებში ასრულებ, მაგრამ ყოველთვის არ გამოდის. გასაოცარია როცა ეს გამოდის და როცა ასეთი გოლის წყალობით შენი გუნდი წინაურდება." - აცხადებს რუნი Sky Sports-თან ინტერვიუში.