წარმატებული თამაში "იუნაიტედს" გამოჰყვა ბერძნულ კლუბთან გამარჯვების შემდეგ და გუშინდელ შეხვედრაში მათ იმარჯვეს ანგარიშით 0-2, მიუხედავად უამრავი ტრამვების და დანაკლისებისა სხვადასხვა პოზიციაზე.
მე შემოგთავაზებთ ექვს მიზეზს, თუ რა გვასწავლა გუშინდელმა გამარჯვებამ.
#1: უეინ რუნიმ საბოლოოდ გააკეთა ის, რასაც ამდენი ხანია ცდილობს !ინგლისელმა ფორვარდმა საბოლოოდ შეძლო გაეკეთებინა, ის რაც გააკეთა გუშინ. 2007 წელს მან "პორთსმუტს" გაუტანა მსგავსი გოლი, მხოლოდ მანძილი ძალიან განსხვავდებოდა. რუნიმ შეძლო და გაიტანა ცენტრიდან ისეთი გოლი, როგორიც ბექემს ჰქონდა და უკეთესიც.
ყველაზე საინტერესო კი ის აღმოჩნდა, რომ დევიდ ბექემი სწორედ ამ მატჩს ესწრებოდა და სწორედ ის გახდა თვითმხილველი ამ შესანიშნავი გოლისა.
რუნის ბრწყინვალე გოლებით განებივრებულები ვართ, თუმცა თუ კი გავიხსენებთ რუნის 2011 წლის მაკრატელას, მისი გოლების შედარებას უკვე აღარ დავიწყებთ, უდავოდ მის კარიერაში საუკეთესო, ულამაზესი გოლი იყო ის გოლი.
#2: მარუან ფელაინი იწყებს დანაპირების შესრულებას.ბელგიელი უფრო და უფრო გვაჩვენებს, თუ როგორი კარგია ის. მისი გუშინდელი თამაში შესანიშნავი იყო, მან გააკეთა 56 ზუსტი პასი და 67-ჯერ ეცადა მოეძებნა სხვა პარტნიორი ჯამში.
(ის იყო ყველგან, რაზეც ეს სურათიც მეტყველებს.)
რა თქმა უნდა "იუნაიტედის" გულშემატკივრები, მის არასაჭირო ჯარიმებს მკაცრად შეაფასებს. თუნდაც ძალიან არასაჭირო მომენტში შესაძლოა პენალიც კი დანიშნულიყო, როდესაც ის საჯარიმოში დიამესთან თამაშობდა არც ისე სწორად.
მიუხედავად ყველაფრისა, 27,5 მილიონი ფუნტ სტერლინგია მასში გადახდილი და ბელგიელმა აუცილებლად უფრო მეტი პასუხისმგებლობით უნდა ითამაშოს, რომ გაამართლოს მასში გადახდილი თანხა.
#3: მატასა და კაგავას ერთად თამაში ბევრად საინტერესოა.მატა და კაგავა ერთად მშვენივრად უძღვებოდნენ ფორვარდის უკან თამაშს. ისინი ძალიან კარგად შეთამაშდნენ გუშინდელ თამაშში და ძალიან დიდ სამუშაოს აკეთებდნენ, როგორც წინ ასევე უკან, ნახევარმცველების პოზიციაზე. ისინი ეხმარებოდნენ "ფლეიმეიქერებს", რომ უფრო სწრაფად აეტანათ ბურთი და ცენტრშიც უფრო დიდხანს დაეჭირათ ბურთი.
მათ ჯამში 109 პასი დაუგროვდათ, აქედან 6 გაცუდდა, თუმცა მაინც ძალიან მაღალი შედეგია, 103 ზუსტი პასი.
ესპანელისა და იაპონელის ერთად თამაში მეტ სიახლეს, კრეატივს და წარმატებას გვპირდება, მოკლედ რომ ვთქვათ, მათი ყურება იყო ძალიან სასიამოვნო, რადგან ისინი ლამაზ ფეხბურთს გვაჩვენებდნენ.
#4: მოიესმა უნდა დაინახოს, რომ "იუნაიტედს" უკეთესად შეუძლია ბურთის კონტროლი.დევიდ მოიესის "იუნაიტედი" ყოველთვის არ იყო ასეთი კარგად საყურებელი.
მაგილითისათვის, მანჩესტერული კლუბის თამაში "ოლიმპიაკოსთან" ან "ლივერპულთან", ასეთი კარგი საყურებელი, რომ ყოფილიყო ისინი არ წააგებდნენ. ან თუნდაც "ფულემთან", როდესაც გუნდი ძალიან სწორხაზოვნად თამაშობდა, ამ თამაშში გუნდმა 81 ჩაწოდება შეასრულა და ფაქტიურად ვერცერთი ვერ გამოიყენა.
თუ დააკვირდებით შინჯი კაგავას მოედანზე ყოფნით ბევრი რამ იცვლება. მეტი კრეატივია სტადიონზე და უფრო მეტად აკონტროლებს გუნდი ბურთს. თუნდაც ავიღოთ "იუნაიტედის" მშვენიერი თამაში ლიგაზე, "ლევერკუზენის" წინააღმდეგ, სადაც კაგავა კარგად თამაშობდა, კლუბმა კი 5-0 გაიმარჯვა.
ძალიან უბრალოდ, მოიესმა უნდა ისწავლოს, ის რომ თუ კი გუნდი უფრო მეტ კრეატივს შეიტანს თამაშში აუცილებლად წარმატებული იქნება ის შეხვედრა და ასევე უფრო მეტად უნდა გამოიყენონ თავისუფალი ზონები.
#5: რუნი "9" ნომერზე უკეთესს შედეგს დებს, ვიდრე "10"-ზე.რობინ ვან პერსის ტრამვის გამო, დევიდ მოიესს მოუწია მცირე კორექტივების შეტანა თამაშში და სწორედ ამიტომ, უეინ რუნი გუშინ ჩვენ ჰოლანდიელის ადგილას მოგვევლინა.
რუნისთან ერთად გუშინ გუნდმა ითამაშა ძალიან კარგად, მისი დაყენება 9 ნომერზე, პლიუს ისეთი ნახევარმცველები უკან როგორებიც გუშინ მას ედგნენ უფრო მეტ შანსს აჩენს გოლის გატანისა. საინტერესოა მოიესი კვლავ დააყენებს თუ არა რუნი ფორვარდის პოზიციაზე, სანამ ვან პერსი დაბრუნდება და თუ კი ის დააყენებს, დარწმუნებული ვარ, რომ ინგლისელი აუცილებლად გაიტანს ბევრ გოლს. აი შემდეგ კი საინტერესო იქნება, როგორ გადაანაწილებს ვან პერსისა და უეინ რუნის მოედანზე დევიდ მოიესი.
#6: კერიკი მზად იყო ეთამაშა ცენტრალურ მცველად.მაიკლ კერიკის გუშინდელი ცენტრალური მცველის პოზიციაზე გადაყვანა ბუნებრივი იყო. კარგად ვიცით, რომ "იუნაიტედს" პრობლემების აქვს დაცვაში და პლიუს ამას რამდენიმე მცველი ტრამვის გამო ვერ თამაშობს. კერიკიც ძალიან ხშირად ითავსებს დაცვით თამაშს, როდესაც შეტევაზე სხვა გუნდი გადმოდის. ამიტომ გუშინ ის იდგა ცენტრალური მცველის პოზიციაზე.
მიუხედავად იმისა, რომ ის არ თამაშობდა შეტევაში არანაირ როლს, მიუხედავად იმისა, რომ ის იდგა დაცვის ცენტრში, მისი პასები უდავოდ კარგი და მნიშვნელოვანი იყო.
კერიკმა სულ 38 პასი შეასრულა, აქედან კი 2 გააცუდა. ვერ ვიტყვით, რომ ის დაცვაში იდეალური იყო, თუმცა კერიკის კლასი და პასების სიზუსტე დაცვაში მდგომმაც დაგვანახა. მოიესს გაჭირვებისას ნამდვილად შეუძლია მიმართოს იგივე ხერხს და ინგლისელი დაწიოს მცველად, რასაც ფერგიუსონის "იუნაიტედშიც" ვხვდებოდით.
წყარო:
"Bleacher"