"მანჩესტერ იუნაიტედის" თავდამსხმელი, რობინ ვან პერსი ჰოლანდიაში გაფრინდა, რათა მსოფლიო ჩემპიონათისთვის გამოჯანმრთელება მოასწროს.
შეგახსენებთ, რომ ვან პერსიმ მუხლის ტრავმა "ოლიმპიაკოსთან" მატჩში მიიღო. რამდენიმე დღის წინ კი გაკეთდა განცხადება იმის შესახებ, რომ იგი 4-დან 6 კვირას იუქმებდა.
Daily Mirror-ის ექსკლუზიურ მასალაში ნათქვამია, რომ რობინ ვან პერსი როტერდამში ყავარჯნებით შეამჩნიეს. ვან პერსი ადგილობრივ სამედიცინო დაწესებულებას ეწვია და მსოფლიოს ერთ-ერთ წამყვან ქირურგს, რეინ ჰეიბურს ეჩვენა.
ქირურგმა განაცხადა, რომ "იუნაიტედის" ექიმების დიაგნოზი ზედეტად ოპტიმისტურია და პერსი მინიმუმ რვა კვირას მაინც იუქმებს.
ასე, რომ ვან პერსის მთავარ სამიზნეს ახლა უკვე ბრაზილიის მსოფლიო ჩემპიონატისთვის გამოჯანმრთელება წარმოადგენს. "წითელ ეშმაკებს" კი მისი დახმარების იმედი უკვე აღარ უნდა ჰქონდეთ.