"მანჩესტერ იუნაიტედის" მწვრთნელი, დევიდ მოიესი თვლის, რომ "ვესტ ჰემთან" მატჩში მისი გუნდი დიდებულად გამოიყურებოდა.
რუნის დაუჯერებელმა დარტყმამ მოედნის ცენტრიდან და მარკ ნობლის წარუმატებელი თამაშის შემდეგ რუნისგანვე ასხლეტილმა ბურთმა "იუნაიტედს" ბოლო 4 შეხვედრაში მესამე გამარჯვება მოუტანა პრემიერ-ლიგის მასშტაბით.
"ყველას დევიდ ბექჰემის გოლი გაახსენდა. რუნის ვუთხარი, რომ გაზონზე დაცემის შემდეგ შთაბეჭდილება შემექმნა თითქოს ხარიხას მოხვდებოდა ბურთი. ის ტოპ-კლასის მოთამაშეა და ტოპ-კლასის გოლი გაიტანა. უნდა გრძნობდე სად იმყოფებიან სხვა მოთამაშეები. ამ ეპიზოდში რუნიმ გასაოცარი ოსტატობა და უნარი გამოავლინა."
"ჩვენ შესანიშნავები ვიყავით. ჩვენ დიდებულ ფეხბურთს ვთამაშობდით და ერთადერთი იმედგაცრუება ისაა, რომ მეტის გატანა შეგვეძლო და ვერ მოვახერხეთ. შანსებს შეტევის დასკვნით ნაწილში ვუშვებდით ხელიდან."
"ვესთ ჰემმა" ბევრჯერ ჩააწოდა ბურთი ჩვენს საჯარიმოში, რაც საქმეს გვირთულებდა, მაგრამ ამას გავუმკლავდით. არ ღირს მოვლენებზე გასწრება, მაგრამ მწყობრში უნდა ვიყოთ "სიტისთან" მატჩისთვის." - ციტირებს მოიესის სიტყვებს BBC.