"წითლებმა" "ოლიმპიაკოსის" წინააღმდეგ საბოლოოდ 3-2 მოიგეს და მოიპოვეს კიდეც მეოთხედ ფინალის საგზური, სადაც ძალიან ძლიერი კლუბები იბრძვიან ტიტულისთვის.

"იუნაიტედი" წელს საშინელ სეზონს ატარებს "პრემიერ ლიგაში". ამასობაში კი მოიესი ფიქრობს, რომ არ არის გამორიცხული წითლებმა "ჩემპიონთა ლიგის" ტიტულის აწევა შეძლონ.

"ვიმედოვნებ, რომ ასე მოხდება,"-განაცხადა მოიესმა "ოლიმპიაკოსთან" მატჩის შემდეგ. "შესაძლებელია ჩვენ ცოტა გაგვიჭირდა მეოთხედ ფინალში გასვლა, თუმცა მე ვერ ვხედავ მიზეზს "იუნაიტედის" ჩამოწერისა "ჩემპიონთა ლიგის" ჩემპიონობის სავარაუდო სიიდან."

"ამ კლუბს შეუძლია ეს და თუ ჩვენ ჩვენ შესაძლებლობებს ბოლომდე გამოვიყენებთ, რაც სამწუხაროდ სეზონის განმავლობაში ბევრჯერ ვერ მოვახერხე, მე ვფიქრობ, რომ ყველა გუნდისთვის საშიში ვიქნებით."

"ამ ჩემპიონატში დიდი ისტორია გვაქვს. "იუნაიტედი" ის კლუბია, რომელმაც იცის რა უნდა გააკეთოს ამ ეტაპზე. მეოთხედ ფინალში ყოფნა ჩვენთვის სიურპრიზი არ არის, ამას ხომ "იუნაიტედი" ყოველთვის აკეთებდა. ამიტომაც ახლა რასაც ვეცდებით ბოლო ოთხეულში მოხვედრა იქნება."

როდესაც ჟურნალისტება ჰკითხეს იქნებოდა თუ არა "ოლიმპიაკოსთან" მიღწეული შედეგი "იუნაიტედის" დაბრუნების მაჩვენებელი, მოიესმა ასეთი პასუხი გასცა:

"არ მინდა, რომ დარწმუნებით ვთქვა: ეს სწორედ ის დროა. მაგრამ მე ვიმედოვნებ, რომ ეს ასეა. "ოლიმპიაკოსთან" ნამდვილად კარგი შედეგი ვაჩვენეთ და გულშემატკივარს კიდევ ერთი ქამბექი შევთავაზეთ. ჩვენ არ ვითამაშეთ კარგად საბერძნეთში, მაგრამ ყველაფერი "ოლდ ტრაფორდზე" დღეს დალაგდა."

"შედეგი კი ერთ რამეზე მეტყველებს-ჩვენ კიდევ ორი თამაში გვაქვს სათამაშო "ჩემპიონთა ლიგაზე". ეს არის სწორედ ის რასაც ველოდით. რისი თქმაც შემიძლია არის ის, რომ ჩვენ ამ თამაშებში ჩვენს მაქსიმუმს ვაჩვენებთ."

"ბევრი რამ მჭირდება. მაგრამ ამ ყველაფრის დასალაგებლად დროც არის საჭირო. ყველაზე მნიშვნელოვანი ჩემთვის არის ის, რომ დღეს ფეხბურთელებმა ფანებს მადლობა გადაუხადეს კვირას გაწეული გვერდში დგომისთვის და ჩვენი არმია ისევ ისე, ბრწყინვალედ გვიჭერდა მხარს,"-ასრულებს "იუნაიტედის" თავკაცი.

ManUtd.com