"მანჩესტერ სიტის" არგენტინელი თავდამსხმელი, სერხიო აგუერო ვერ ასწრებს დერბისთვის გამოჯანმრთელებას.
არგენტინელმა მიმდინარე სეზონში 26 გოლის გატანა მოახერხა. ჩემპიონთა ლიგის 1/8 ფინალური "ბარსელონასთან" გამართული საპასუხო შეხვედრის შემდეგ აგუერო ტრავმას იშუშებს.
მანუელ პელეგრინის თქმით, არავითარი შანსი სერხიოს თამაშისა დერბიში არ არსებობს. აგუეროს სულ ცოტა 2 კვირა დასჭირდება გამოსაჯანმრთელებლად.
"ჯერ-ჯერობით არ ვიცით, მაგრამ იქნებ მომდევნო კვირას ვარჯიში განაახლოს. არამგონია მთელი კვირის განმავლობაში, მაგრამ კვირის ბოლოს ალბათ ივარჯიშებს."
"რაც შეეხება "იუნაიტედს", ამ შეხვედრაში აგუეროს შანსი არ აქვს" - ციტირებს პელეგრინის სიტყვებს ITV.