40 წლის უელსელი "პრინცი" აცხადებს, რომ მას სურს და შეუძლია კიდეც იმაზე მეტი ხანი გაატაროს მოედანზე, ვიდრე ეს ახლა ხდება.

"ოლიმპიაკოსთან" საპასუხო შეხვედრაში, გიგსი მხოლოდ მესამედ მოხვდა სასტარტო შემადგენლობაში მიმდინარე სეზონის განმავლობაში.

აღასანიშნავია, რომ უელსელმა შესანიშნავი 90 წუთი გაატარა საბერძნეთის ჩემპიონების წინააღმდეგ და ორ გოლშიც მიიღო მონაწილეობა. მომდევნო კვირას "იუნაიტედს" მანჩესტერული დერბი ელის და გიგსი იმედოვნებს, რომ მას კიდევ ექნება შანსი.

"მინდა თუ არა სეზონის დასკვნით ნაწილში ხშირად თამაში? ამის იმედი ამქვს. მართალია, ბოლო თვეების განმავლობაში ცოტას ვთამაშობ, მაგრამ ამის სურვილი მაქვს."

რაიანს ასევე იმედი აქვს, რომ გუნდი იმ დონეს შეინარჩუნებს, რაც მან "ოლიმპიაკოსთან" აჩვენა.

"გასაგებია თუ რატომ გვაკრიტიკებენ, ჩვენ ხომ ისეთ თამაშს ვეღარ ვაჩვენებთ, როგორსაც მიჩვეულნი არიან. საკუთარი გამოცდილებიდან ვიცი, რომ ამ მოთამაშეებს ეს შეუძლიათ, მაგრამ რამდენიმე მათგანი უკვე ნაადრევად ჩამოწერეს."

"ვფიქრობ დიდი ოსტატები ვართ. ეს "ოლიმპიაკოსთან" ვაჩვენეთ და უნდა გავაგრძელოთ. საკმარისად არასტაბილურები ვართ და ისე ვერ ვთამაშობთ, როგორც "ოლიმპიაკოსთან"

"ჩვენ ეს შეგვიძლია და სწორედ ესაა იმედგაცრუების მიზეზი. ყოველ დღე ვხედავ ვარჯიშებზე თუ რა შეუძლიათ ბიჭებს, მაგრამ ეს მოედანზე არ გადმოაქვთ. ეს კი გვჭირდება" - აცხადებს გიგსი Manchester Evening News-თან ინტერვიუში.

fapl.ru