"ბაიერნის" ვინგერის, ხერდან შაქირის ძმა და ამავდროულად აგენტი აცხადებს, რომ ფეხბურთელი მზადაა შემოთავაზებებისთვის.
შაქირი "ბაიერნს" 2012 წელს შეურთდა, თუმცა მაღალი კონკურენციის გამო მან ძირითადში ადგილის დამკვიდრება ვერ შეძლო.
22 წლის შვეიცარიელი ფეხბურთელი უკვე ხვდება, რომ კარიერის სხვა კლუბში გაგრძელება აჯობებს, ამიტომაც გადაწყვიტა მაღალი დონის კლუბებისგან შეთავაზება განიხილოს.
"შაქირი 22 წლისაა. ამ ასაკში რეგულარულად უნდა ითამაშო, მაგრამ ახლა ასე არ ხდება."
"ჩვენ ზაფხულს ველოდებით. თუ კი ისეთ კლუბებს, როგორიც "ლივერპული", "მანჩესტერ იუნაიტედი" და "ინტერია" დააინტერესებთ ხერდანის თამაში, მაშინ ჩვენ მათი შემოთავაზების განსახილველად მზად ვიქნებით." - აცხადებს ერდინ შაქირი შვეიცარიული გამოცემა Blick-სთან ინტერვიუში.