"იუნაიტედი" "საუტჰემპტონის" კიდევ ერთი ფეხბურთელით ინტერესდება; ფალკაო გუნდს არ შეიცვლის.
"მანჩესტერ იუნაიტედი" ეცდება "საუტჰემპტონის" ცენტრალური მცველის, დეიან ლოვრენის ყიდვას. როგორც ცნობილია, დევიდ მოიესი მთლიანად აპირებს გუნდის დაცვის შეცვლას. ნემანია ვიდიჩის ტრანსფერი "ინტერში" უკვე დადასტურდა და სერბი მილანურ კლუბში ზაფხულში გადაბარგდება. რაც შეეხება რიო ფერდინანდს, მას სეზონის ბოლოს კონტრაქტი ეწურება. მოიესმა კარგად იცის, რომ აუცილებელია მათი შემცვლელების მოძებნა, სწორედ ამიტომ უკვე დაიწყო აქტიურობა სატრანსფერო ბაზარზე.
დეიან ლოვრენი "იუნაიტედის" რადარზე გამოჩნდა
მოიესი ეცდება მაღალი დონის მცველების შეძენას
ნემანია ვიდიჩი "ინტერში" გადავა
ხორვატი მცველი "საუტჰემპტონს" მიმდინარე სეზონის დასაწყისში შეუერთდა და 23 შეხვედრა ჩაატარა მაურისიო პოჩეტინოს გაწვრთნილ გუნდში. "იუნაიტედი" ასევე დაინტერესებულია ლოვრენის თანაგუნდელით, ლუკ შოუთი. "სოტონის" ხელმძღვანელობა კარგი შეთავაზების შემთვევაში 24 წლის ხორვატს ნებისმიერ გუნდში გაუშვებს.
კოლუმბიელი ფორვარდის, რადამელ ფალკაოს ტრანსფერი ნისლიან ალბიონზე გამოირიცხა. "მონაკოს" ხელმძღვანელობა აცხადებს, რომ ფალკაო არ იყიდება. სამხრეთ ამერიკელი საფრანგეთში წინა წელს გადავიდა, მის ბედს კი "იუნაიტედსა" და "ჩელსის" უკავშირებენ.
ფალკაო მონაკოს არ დატოვებს
Sportsmail-თან საუბარში "მონაკოს" წარმომადგენელმა აღნიშნა, რომ ფალკაო საფრანგეთში თავს კარგად გრძნობს და კლუბის შეცვლაზე არ ფიქრობს. მადრიდის "ატლეტიკოს" ყოფილი ფორვარდი ამჟამად ტრავმირებულია, მაგრამ მსოფლიო ჩემპიონატზე, დიდი ალბათობით, ითამაშებს.