"მჯერა, რომ ჩემპიონთა ლიგის ფინალამდე მივალთ. ბევრი ალბათ ტურნირის აუტსაიდერებად მიგვიჩნევს, მაგრამ მიზეზს ვერ ვხედავ რამაც თასის მოგებაში უნდა შეგვიშალოს ხელი. "მანჩესტერ იუნაიტედს" ყველაფერი შეუძლია. თუ იმ პოტენციალს გამოვავლენთ, რაც გვაქვს, ნებისმიერი გუნდის დამარცხებას მოვახერხებთ"
"ჩვენ კლუბს ჩემპიონთა ლიგაზე გამოსვლის შესანიშნავი ისტორია აქვს. ჩვენთვის სულაც არ იყო რაღაც განსაკუთრებული მოვლენა მეოთხეთფინალში გასვლა. ეს ჩვეულებრივი ამბავია. ვეცდებით ყველაფერი გავაკეთოთ, რათა ნახევარფინალში მოვხვდეთ."
მიღწეული შედეგის მნიშვნელობა
"არ მინდა დრამატიზირება, მაგრამ მჯერა, რომ ეს შედეგი გარდატეხას შეიტანს ჩვენს სეზონში. ნამდვილად უდიდესი გმირობა ჩავიდინეთ ორი ბურთის აღმოფხვრით. პირველ შეხვედრაში ცუდად გამოვიყურებოდით, მაგრამ რეაბილიტაცია მოვახერხეთ საპასუხოში."
"ეს მოგება ნიშნავს, რომ ამ სეზონში ევროპაში მინიმუმ ორ მატჩს ჩავატარებთ. მათ კი მოულოდნელად ველოდებით. ძალიან გახარებული ვარ, რომ "ლივერპულთან" მარცხს ასე ვუპასუხეთ."
რაიან გიგსი
"მატჩამდე რამდენიმე ხნით ადრე, ჩემპიონთა ლიგაზე გიგსის თამაშისადმი მიძღვნილ სიუჯეტს ვუყურე. ის შესანიშნავი მოთამაშეა. მისმა ორმა დიდებულმა პასმა მოგვიტანა გოლები. ხანდახან ფიქრობთ, რომ მოედანზე გატარებული 60 წუთი უკვე საკმარისია მისთვის, მაგრამ მისი ფიზიკური მომზადება გვაოცებს. ის - უნიკალურია."