"წითლებმა" "ჩემპიონთა ლიგის" პირველ მატჩში სამარცხვინო შედეგი აჩვენეს და ისტორიაში პირველად წააგეს "ოლიმპიაკოსთან". ახლა კი მათ სამბურთიანი სხვაობით მოგება სჭირდებათ. მიუხედავად იმისა, რომ საზოგადოებამ უკვე დაკარგა "იუნაიტედის" რწმენა და მისი გასვლის იმედი, რაფაელი ბოლომდე არ ნებდება და გამარჯვების სჯერა. ბრაზილიელი ასევე აცხადებს, რომ ფანების მხარში დგომა მათთვის მთავარი გასაღებია და ამას ახსნასაც ურთავს:

"ყველამ იცის, რომ პირველი შედეგის შემდეგ ჩვენ მარტივი მატჩი არ გველის, მაგრამ ჩვენი ამოცანა ამოუხსნელი არ არის. ჩვენ პირველი თამაშისგან განსხვავებით უკეთ უნდა ვითამაშოთ, ვიყოთ უფრო კრეატიულნი და მებრძოლნი."

"ჩვენ "ოლდ ტრაფორდზე" ვთამაშობთ. შესანიშნავი ფანები გვყავს და მათი გვერდში დგომით ყველაფერი შესაძლებელია. ჩვენ უბრალოდ კარგად უნდა ვიმუშავოთ და რაც შეიძლება მალ–მალე მოვაწყოთ შეტევები."

"ჩემი "ოლდ ტრაფორდზე" ჩამოსვლის დღიდან, ფანები ყოველთვის გვაძლევენ ენერგიას და სწორედ მათი დამსახურებაა უამრავი გოლის გატანა დიდ თამაშებში. მე კარგად მახსოვს მატჩი "მიუნხენის ბაიერნის" წინააღმდეგ 2010 წელს, როცა ჩვენ მალევე მოვახერხეთ ორი გოლის გატანა, მაგრამ შემდეგ გავუშვით სამი ბურთი."

"სწორედ ეს უნდა გავაკეთოთ დღესაც. დღეს ისე უნდა ვითამაშოთ, რომ ვიგრძნოთ გასატანი გვაქვს სამი გოლი. ასეთი შეგრძნებით 2 ბურთის გატანას აუცილებლად შევძლებთ. მე კარგად მახსოვს ის თამაში. მსაჯმა გამაგდო და მას შემდეგ ბევრი რამ ვისწავლე და არა მარტო მე, გუნდმაც უამრავი რამ ისწავლა იმ თამაშიდან,"–ასრულებს ბრაზილიელი.

ManUtd.com