სერ ალექს ფერგიუსონის კარიერის დასრულებისთანავე, საზოგადოება ერთ აზრზე შეჩერდა - "იუნაიტედს" მომდევნო სეზონში კრიზისი ექნებოდა... მაგრამ თუ რაოდენ მძაფრი იქნებოდა კრიზისი, ეს არავის უწინასწარმეტყველებია. როგორც ჩანს, რეალობა მოლოდინზე უარესი აღმოჩნდა.

გუნდის ფანები სწორედ სერ ალექსს აბრალებენ დღევანდელ მდგომარეობას, რომელმაც შემცვლელად მისივე ჩრდილში სამყოფად განწირული, დევიდ მოიესი აირჩია.

ეს გადაწყვეტილება გამოკითხულთა 40მა პროცენტმა მიიღო. კლუბის მფლობელებს (გლეიზერებს) 32% ერგოთ წილად, ხოლო თავად დევიდ მოიესი 17%-ს დასჯერდა. 4%-ს მიაჩნია, რომ ეს კრიზისი მხოლოდ და მხოლოდ ფეხბურთელების სინდისზეა, 3% კი ფიქრობს, რომ ამაში ბრალი "იუნაიტედის" ხელმძღვანელობას (ვუდვარდი, გილი და ა.შ) მიუძღვით.

ბოლო ტურში, მიუხედავად სამარცხვინო მარცხისა (0-3), გულშემატკივრების ხმა, მაინც ბოლო წუთებამდე ისმოდა ოლდ ტრაფორდზე. თუმცა ეს იმას არ ნიშნავს, რომ ფანები იმედგაცრებულები არ არიან მიმდინარე სეზონით.

მოგეხსენებათ, დღეს ჩემპიონთა ლიგის 2 მატჩი გაიმართება. "იუნაიტედი" შინ მასპინძლობს "ოლიმპიაკოსს" თუმცა რთული, ორბურთიანი ბარიაერი აქვს გადასალახი. იმ შემთხვევაში, თუ გუნდი ამ ტურნირიდანაც გამოვარდება, მოესის დათხოვნის საკითხი ხელახლა იქნება განხილული მთელი მსოფლიოს მასშტაბით. მომდევნო კვირას მანჩესტერული დერბი გველის, რომლის შედეგიც ალბათ მთლიანად გადაწყვეტს დევიდ მოიესის გუნდში ყოფნა/არყოფნის საკითხს.

გულშემატკივართა ერთი ნაწილი მზად არის, ჩამოხსნას ის დიდი ბანერი, რომელზედაც წითელი ასოებით "რჩეული" აწერია და მოესის სახეა გამოსახული, მისსავე გასამხნევებლად. ეს იმ შემთხვევაში მოხდება თუ "წითელი ეშმაკები" ბერძნების ბარიერს ვერ გადალახავენ.


ეს დროშა გამოკიდებულ იქნა სეზონის დასაწყისში, იქიდან გამომდინარე, რომ მოესი მართლაც რომ სერ ალექს ფერგიუსონის არჩეულია. თუმცა 50 წლის სპეციალისტმა უამრავ ფანს აიძულა მას განდგუმოდა ნაჩვენები შედეგებიდან გამომდინარე.

Mirror Sport-ი აპირებს თავიდან ბოლომდე იქნეს საქმის კურსში აღნიშულ ბანერის მოხსნა/დატოვების თაობაზე.

გამოკითხვის შედეგები, რომლითაც დავიწყეთ სტატია, ასეთია:


წყარო: Mirror