"იუნაიტედი" წელს ცუდ სეზონს ატარებს, მაგრამ ყველაზე საშინელი მაინც "ლივერპულთან" მარცხი იყო. ამის შესახებ ბევრი მითქმა-მოთქმა ატყდა. ეს მართლაც ძალაინ იმედგამაცრუებელი შედეგი იყო მოსისხლე მტრებთან.

თუმცა "იუნაიტედის" მცველს, პატრის ევრას, ჯერ კიდევ არ დაუკარგავს იმედი და ბოლომდე სჯერა, რომ ისინი უკეთესად წარდგებიან ბერძნების წინააღმდეგ. შეგახსენებთ, რომ "იუნაიტედს" შემდეგ ეტაპზე გასასვლელად სამბურთიანი სხვაობით მოგება სჭირდება.

"როდესაც ვიგებთ, ერთად ვიგებთ და როცა ვაგებთ მაშინაც ერთად ვაგებთ,"-ასეთი პასუხი გასცა ევრამ MUTV-ს, როცა ჰკითხეს ამ სეზონის შესახებ. "ეს რთული სეზონი აღმოჩნდა ყველა ჩვენგანისთვის. ჩვენ არ ვართ წაგებებს მიჩვეული. ჩვენ ყოველთვის ვიგებთ. ყველას სურს ამ კლუბისთვის ბრძოლა, ყველას უყვარს ეს კლუბი."

"ჩვენ ვიცით, რომ ცუდი სანახაობა ვაჩვენეთ პირველ თამაშში. 3 წლის "იუნაიტედის" ფანსაც კი ეტკინებოდა გული ამ გამოსვლის შემდეგ. მაგრამ ცხოვრებაში შენ ყოველთვის გაქვს მეორე შანსი და და ეს შანსი ჩვენ დღეს საღამოს გვაქვს. მე არ ვარ ღმერთი და დარწმუნებით წინასწარ ვერაფერს გეტყვით. თავს ვერ დავდებ იმაზე, რომ შემდეგ ეტაპზე აუცილებლად გავალთ, რადგან არავინ იცის რა მოხდება, თუმცა მე გპირდებით, რომ ჩვენ ბოლო წამამდე ვიბრძოლებთ და პატივს ვცემთ ჩვენს მაისურს, და აუცილებლად გავაკეთებთ იმდენს, რომ თითოუელმა თქვენგანმა ჩვენით იამაყოს!"–დაასრულა ფრანგმა.

ManUtd.com