"ოლიმპიაკოსთან" გასამართ დღევანდელ შეხვედრამდე დევიდ მოიესმა კლუბში არსებული მდგომარეობის შესახებ ისაუბრა.

გულშემატკივართა მხარდაჭერა

"გულშემატკივართა მხარდაჭერა დაუჯერებელია. ამას "მანჩესტერში" მოსვლის პირველივე დღიდან ვამბობდი. მე ფეხბურთელებს ვესაუბრე და ვუთხარი, რომ უკვე დროა მათ სანაცვლოდ რამე მივცეთ. ყველაფერი უნდა გავაკეთოთ, რომ ეს საღამო ყველას დაამახსოვრდეს. ძალას არ დავიშურებთ შემდეგ ეტაპზე გასასვლელად"

"ამ სეზონში გულშემატკივარმა რამდენიმე მოულოდნელი მარცხი განიცადა. ისინი კი მაინც აგრძელებნ ჩვენს მხარდაჭერას. ისინი კლუბის ისტორიაში დიდებული დღეების მომსწრენი არიან და ეჭვიც არ მეპარება, რომ ასეთი დღეები კიდევ მოვა. რთული დრო ცოტა ხანს გაგრძელდება და ჩვენ, ისევე როგორც ადრე მწვერვალზე დავბრუნდებით"

"ლივერპულთან" მარცხი

"როცა პრინციპულ მეტოქესთან მარცხდები სახლში და თანაც ასეთი ანგარიშით, რა თქმა უნდა უდიდეს იმედგაცრუებას განიცდი. მაგრამ ვიცოდით, რომ ამ კვირას ჩვენთვის უდიდესი მნიშვნელობა აქვს და კვირის შემდეგ მაშინვე დავიწყეთ მომზადება შემდეგი შეხვედრისთვის."

"ჩვენ კლუბს უკვე აქვს ორ ბურთიანი დეფიციტი აღმოფხვრილი. ბოლოს ეს 1984 წელს მოხდა "ბარსელონას" წინააღმდეგ. რთული იქნება ამის გაკეთება, მაგრამ როგორც ისტორია აჩვენებს ეს შესაძლებელია. ბრაიან რობსონის გოლები ამის ნათელი მაგალითია."



"მე მაქვს შესაძლებლობა საკუთარ მოთამაშეებს ყოველ დღე ვაკვირდებოდე. ვიცი, რომ გაცილებით მეტი შეუძლიათ. იმედი მაქვს ყველაფერს გააკეთებენ ოთხშაბათს, რაც შეუძლიათ. უნდა ვაღიარო, რომ ჩემი ბიჭები წელს თავისთვის უჩვეულო ფეხბურთს აჩვენებენ. მაგრამ მჯერა, რომ ოთხშაბათს ჩვენ "მანჩესტერ იუნაიტედის" ფეხბურთელების საუკეთესო თამაშს ვიხილავთ."



"ჩვენ ძალიან ვაფასებთ შინჯის და მას ჩვენი კლუბის მნიშვნელოვან ფიგურად მივიჩნევთ. ახლა ცუდი პერიოდი აქვს, იგი მოედანზე იმაზე ნაკლებ დროს ატარებს, ვიდრე სურს. მაგრამ ოთხშაბათს ასეა თუ ისე იგი გარკვეულ მონაწილეობას მიიღებს მატჩში."


redevils.ru