"მანჩესტერ იუნაიტედი" კვლავ ეცდება ურუგვაელი ფორვარდის, ედინსონ კავანის შეძენას ზაფხულში, რათა მომავალ სეზონში იბრძოლონ უფრო მაღალი მიზნებისთვის. "პსჟ"-ს შემტევით დევიდ მოიესი უკვე დიდი ხნის მანძილზე ინტერესდება. მაგრამ ამ დროისთვის კავანის ტრანსფერი "ოლდ ტრაფორდზე" არარეალურია. როგორც მოგეხსენებათ, "იუნაიტედი" დიდი ალბათობით შემდეგ წელს ჩემპიონთა ლიგაზე ვერ გავა, თავად კავანი კი "პსჟ"-ში "ნაპოლიდან" ჩემპიონთა ლიგაში სათამაშოდ გადაბარგდა.
კავანის სურს ითამაშოს ჩემპიონთა ლიგაში, რათა შეინარჩუნოს ადგილი ევროპის ტოპ-შემტევებში. "იუნაიტედის" მომავალი ბუნდოვანია. გუნდი პრემიერ ლიგაში მეშვიდე ადგილზე იმყოფება, ჩემპიონთა ლიგის მერვედფინალის პირველ მატჩში კი "ოლიმპიაკოსთან" 0-2 დამარცხდა.
"პსჟ"-მ კავანისთვის წინა ზაფხულში 55 მილიონი ევრო გადაიხადა. ედინსონის ამჟამინდელი ხელფასი 6,5 მილიონ ევროს შეადგენს, თუ ჩავთვლით იმ თანხას, რასაც ფეხბურთელებს აჭრიან საფრანგეთში. კავანის ალბათ სურს უკეთესი ხელფასი, ყოველგვარი დანაკლისის გარეშე. ასე რომ, "იუნაიტედის" ხელმძღვანელობა იმედს არ კარგავს.