დევიდ მოიესმა საკმაოდ საინტერესო ინტერვიუ მისცა სპორტულ გაზეთს, სადაც ისაუბრა, რომ "იუნაიტედში" დიდი გეგმებით არის მოსული და "ლივერპულთან" მარცხი მის მომავალს არ ცვლის.
"ოლდ ტრაფორდზე" "ლივერპულთან" მარცხი მთავარი არ გახლავთ. "წითელმა ეშმაკებმა" "შეძლეს" და ცხრილის მეშვიდე პოზიციაზე იმყოფებიან, ამასთანავე გამოვარდნენ ინგლისის შიდა თასებიდან. მოიესს ლიგაზე ფიქრიღა დარჩენია, თუმცა საქმე იოლად არ არის. შოტლანდიელმა სპეციალისტმა საბერძნეთში მარცხი იწვნია და "ოლიმპიაკოსს" მინიმუმ 3-0 უნდა მოუგოს, თუ შემდგომ ეტაპზე სურს გასვლა.
მიუხედავად ამ ყველაფრისა დევიდ მოიესი ოპტიმისტურად გამოიყუება და ფიქრობს, რომ ჩემპიონთა ლიგაზე მარცხის შემთხვევაში კლუბს არ დატოვებს.
"ჩემს მომავალს ერთი მარცხი ვერ შეცვლის. მე მაქვს დიდი სამუშაო და ვიცი როგორ უნდა ვიარო წარმატების გზაზე".
"ამ სეზონში უფრო მეტს მოველოდი, თუმცა ასე არ მოხდა. მომავალში ამ ყველაფერს აუცილებლად გამოვასწორებთ".
"ჩვენ გვაქვს დიდი გეგმები, რომელსაც აუცილებლად განვახორციელებთ. ეს პროექტი მრავალ წელს ითვალისწინებს და შეუძლებელია 1 წელიწადში რაიმეს მოსწრება. სწორედ ეს გახლავთ "იუნაიტედის" სტილი".
"იუნაიტედი" 1-2 "ვესთ ბრომვიჩი"
"იუნაიტედი" 0-1 "ევერტონი"
"იუნაიტედი" 0-1 "ნიუკასლი"
"იუნაიტედი" 1-2 "ტოტენჰემი"
როგორც ჩანს დევიდ მოიესი კვლავ ინარჩუნებს დიდ ნდობას, იგი კვლავ აგრძელებს იმაზე საუბარს, რომ მომდევნო შეხვედრები ძალიან მნიშვნელოვანია. შოტლანდიელი სპეციალისტი მზად არის ამ ზაფხულს სერიოზული ტრანსფერები განახორციელოს, სწორედ ეს დაეხმარება წარმატების მიღწევაში.
მოიესს კიდევ ერთი მხარდამჭერი ყავს, იგი სერ ალექს ფერგიუსონი გახლავთ. შოტლანდიელი "იუნაიტედის" მატჩებზე დასწრებას კვლავ განაგრძობს და როგორც მოიესი ამბობს, რჩევებსაც ხშირად არიგებს.
"მე მასთან სისტემატიური საუბარი მაქვს. მან უკვე დიდი მხარდაჭერა გამომიცხადა. როდესაც მოვდიოდი კლუბში მითხრა, რომ წინ მძიმე სამუშაო მელოდა. სერ ალექსის და ვუდვორდის დიდი მადლიერი ვარ".
პროგრესი რომელსაც "იუნაიტედმა" მიაღწია შესაძლოა უკან დარჩეს, მიზეზი კი "ოლიმპიკოსთან" მარცხი გახლავთ. ყველამ კარგად იცის თუ როგორი უსუსური იყო მოიესი საბერძნეთში. მიუხედავად ამისა, შოტლანდიელს წარმატების კვლავ სჯერა და მზადაა შემდეგ ეტაპზეც გავიდეს.
"ჩვენ ამას ვცდით და აუცილებლად გავაკეთებთ. ეს იქნება რთული, თუმცა არა შეუძლებელი".
მოიესმა "იუნაიტედის" ფეხბურთელებზეც ისაუბრა.
"ვიცით, რომ ჩვენს ბიჭებს სხვებზე კარგად შეუძლიათ თამაში და ამაში არავის არ ეპარება ეჭვი. მე მჯერა ჩემი ფეხბურთელების. შესაძლოა ისინი არ თამაშობენ ისე როგორც საჭიროა, მაგრამ ვიცი, რომ ხვალ ღამით მაქსიმუმს დადებენ მოედანზე".
"ვფიქრობ, რომ "ოლდ ტრაფორდის" მხარდაჭერა ჩვენდამი ფანტასტიურია. მას შემდეგ რაც "ლივერპულთან" წავაგეთ, ბიჭებს ვუთხარი, რომ გულშემატკივრები წარმატებას იმსახურებენ და მათთვის დასამახსოვრებელი მატჩი უნდა ჩავატაროთ".
"მოედანზე არაფერს დავიშურებთ და იმედი მაქვს შემდეგ ეტაპზეც გავალთ".
"იუნაიტედი" 1-2 "სუონსი"
"ჩელსი" 3-1 "იუნაიტედი"
"სტოკი" 2-1 "იუნაიტედი"