დევიდ მოიესი ორშაბათს თავის დამხმარეებს გაესაუბრა, რათა ერთად შეიმუშაონ არსებული მდგომარეობიდან თავის დაღწევის გეგმა.

კვირას გამართულ შეხვედრის შემდეგ, რომელშიც "მანჩესტერ იუნაიტედი" მოსისხლე მტერთან, "ლივერპულთან" სამარცხვინო ანგარიშით 0-3 დამარცხდა, "წითელი ეშმაკები" უკვე 12 ქულით ჩამორჩებიან მეოთხე ადგილზე მყოფ "მანჩესტერ სიტის". თუმცა "ქალაქელებს" ორი შეხვედრით ნაკლები აქვთ ჩატარებული, ვიდრე "წითლებს".

"იუნაიტედის" დაუსრულებელი წარუმატებლობები ფეხბურთელთა უნიათო თამაშსა და დევიდ მოიესის უსუსურობას მიაწერეს, მაგრამ არანაკლები დანაშაულია ამაში სამწვრთნელო შტაბის ორგანიზაციის.

"იუნაიტედის" მთავარი მწვრთნელის პოსტზე დანიშვნის შემდეგ, მოიესმა კლუბში დამხმარეებად სტივ რაუნდი და კარიერადამთავრებული ფილ ნევილი მოიყვანა. ხოლო მოთამაშე მწვრთნელის ადგილი კი რაიან გიგსმა დაიკავა.

როგორც Goal ამტკიცებს, "იუნაიტედის" შიდა "სამზარეულოში" ეჭვი ეპარებათ მოიესის დამხარეებში, რომელთაც, ისევე როგორც მოიესს ასეთ დონეზე მუშაობის გამოცდილება არ აქვთ.

ორშაბათს მოიესი თავის დამხმარეებს შეხვდა, რათა მოქმედების გეგმა შეემუშავებინათ. გამოუვიდათ თუ არა სიტუაციის კონტროლქვეშ აყვანა, ამას "ოლიმპიაკსოთან" გამართული შეხვედრა გვაჩვენებს ოთხშაბათს.

დავამატებ, რომ გუშინ გაჩნდა ინფორმაცია გიგსისა და მოიესის შესაძლო კამათის შესახებ. მიზეზი კი უელსელის განაცხადში არ მოხვედრა იყო საკვირაო შეხვედრაში. თუმცა Manchester Evening News ამტკიცებს, რომ ამ ინფორმაციამ გიგსი მხოლოდ გააოცა.

fapl.ru