სიახლეში შემოგთავაზებთ ტონი კროოსს, რომელსაც გაგაცნობთ უფრო ახლოს. მის ყველა დადებით და უარყოფით მხარეებზე ვისაუბრებთ აქ. გერმანელი ცენტრალური ნახევარმცველი "იუნაიტედის" ერთ-ერთი მთავარი სამიზნეა და თუ რატომ სწორედ ამ სიახლეში შეიტყობთ.
ყველაზე გაცვეთილი თემა "იუნაიტედში" ცეტრალური ნახევარმცველის პრობლემაა და არამხოლოდ, თუმცა დღეს მხოლოდ ზემოთ თქმულ პრობლემაზე ვისაუბრებთ.
სხვათაშორის მოიესის მთავარი სამიზნეც სწორედ ცენტრალური ნახევარმცველი იყო, კერძოდ ფაბრეგასი, რომელსაც კატალონიური კლუბი არაფრის დიდებით არ შეელია. საბოლოოდ კი ბელგიელი ფელაინი მივიღეთ, რომელიც ჯერ იმ დონეზე ვერ თამაშობს, რა დონეზეც ის "ევერტონში" თამაშობდა.
კროოსის ტრანსფერზე საუბარი ჯერ კიდევ ზამთარში მიმდინარეობდა, როდესაც ტონი აშკარა უკმაყოფილებას გამოთქვამდა გუარდიოლას მიმართ, რომელიც ტიაგოს ათამაშებს ძირითადში და ფაქტიურად მეორე ნომრად აქცია ტონი კროოსი "ბაიერნში". გარდა ამისა, გერმანელმა ფეხბურთელმა განაცხადა, რომ ის ზაფხულში სიამოვნებით შეუერთდებოდა პრემიერ ლიგის კლუბს და ეს იმ დროს, როდესაც ყველაზე დიდ ინიციატივას "იუნაიტედი" იჩენს. მაშ, ასე საინტერესოა, გადმოვა თუ არა კროოსი "იუნაიტედში" და რატომ უნდა ვიხილით გერმანელი "წითელი ეშმაკების" რიგებში.
მოგეხსენებათ, რომ "იუნაიტედში" ცენტრალური ნახევარმცველის პრობლემა ძალიან დიდი ხანია დგას. ეს პრობლემა კი ჯერ კიდევ როი კინის წასვლის შემდეგ იჩენს თავს, პლიუს ამას პოლ სკოულზის ასაკში შესვლა და ყველაფერმა ამან გუნდის ცენტრში აშკარა კითხვის ნიშანი გააჩინა. ზუსტად თუ გაინტერესებთ, პოლ სკოულზის ბოლო სეზონის პასების სიზუსტე 92 პროცენტს უტოლდება, ცნობისთვის ტონი კროოსის პასების სიზუსტეც 92 პროცენტია ამ სეზონში.
შეადარეთ კროოსი პოლს და სრულ იდენტურ მაჩვენებლებს მიიღებთ !
მათ აქვთ თანაბარი პასების რაოდენობა, სიზუსტე, ასევე დაცვაშიც იგივე სიზუსტით იღებენ მონაწილეობას და ართმევებიც ფაქტიურად თანაბარი აქვთ. პოლ სკოულზის ანარეკლს "იუნაიტედის" გულშემატკივარი კროოსში დაინახავს. ხო ისე ტყუილი, რომ არ გამოვიდეს პოლ სკოულზი უფრო დიდი სიზუსტით ურტყავდა, ვიდრე ტონი კროოსი ურტყავს, თუმცა არც ისეთი დიდია სხვაობა. ასეთი იდენტობა 2 ფეხბურთელს შორის ძნელი საპოვნელია, სერ ალექსს მისი ყურებისას შეიძლება დე ჟავიუს შეგრძნება ჰქონდეს. რატომ ტონი კროოსი ? ამ 10 წუთიან ვიდეოში ყველაფერი ნათლად არის ასახული, მისი მოქმედება სტადიონზე.
მისი ზომების შემხედვარე გულშემატკივარს შეიძლება გაუჩნდეს კითხვა, თუ როგორ არის ის ცენტრალური ნახევარმცველი, თუმცა ის თავისი თამაშით ყველას აოცებს. გერმანელს ნამდვილად არ გაუჭირდება "იუნაიტედის" ძირითადში ადგილის დამკვიდრება.
ტონი კროოსი და დევიდ მოიესი, ერთად თუ ცალკ-ცალკე ?!როდესაც საუბარია "იუნაიტედის" სამომავლო პერსპექტივებზე, ჩნდება ლოგიკური კითხვა. არის კი პერსპექტივაში მოიესი "იუნაიტედისთვის" სასარგებლო ? და თუ არის, მაშინ როგორ გამოიყენებს შოტლანდიელი კროოსს ???
კროოსი იდეალური იქნებოდა "იუნაიტედისთვის", თუმცა მისი თამაში გაჭირვების მომენტში არავის უნახავს, რადგან "ბაიერნი" ფაქტიურად იდეალური ნახევარდაცვით ახერხებს როლების გადანაწილებას, "იუნაიტედში" კი კროოსი შეუცვლელი ფიგურა უნდა გახდეს.
მოიესი თავს კომფორტულად იგრძნობს კროოსთან ერთად, რადგან მისი დავალება თამაშის გაშლასთან დაკავშირებით ფელაინისთან ერთად ადვილად იქნება შესრულებული კროოსის მიერ. გერმანელი და ბელგიელი აუცილებლად შეავსებდნენ ერთმანეთს, რადგან მათ აქვთ კარგი ტექნიკა და კარგი ალღო. ტომ კლევერლიც და მაიკ კერიკიც ადგილის ფეხბურთელები არიან, ანუ მათი დავალება შექმნა არასდროს ყოფილა, უბრალოდ ბურთების განაწილება.
ნებისმიერ შემთხვევაში, კროოსი, კერიკი, კლევერლი ცენტრში ბურთის საუკეთესო "მფლობელები" ვერ იქნებიან, თუმცა ნამდვილად შეძლებენ ბურთის დიდი ხნით დაჭერას. კროოსი ვერ არის მთლად როი კინი, თუმცა შეუძლია აკეთოს ცენტრში ყველაფერი.
არის მეორე მხარეც, თუ კი მოიესის კროოსისგან გახსნილ და ლაღ ფეხბურთს მოისურვებს, მაშინ კროოს მთელი ცენტრი უნდა ჩააბაროს, პლიუს 1 საყრდენი.
ვან პერსის კომენტარს რაც შეეხება, რომ გუნდელები იკავებენ მის ადგილს კროოსის ტრანსფერით აუცილებლად გამოსწორდება, რადგან ის უბრალოდ არ მისცემს სხვებს დაიკავონ ვან პერსის პოზიცია.
მეორე სეზონი სხვა მენეჯერის ხელში !თუ კი მოიესს მიეცა კიდევ ერთი შანსი მომდევნო სეზონიდან, მაშინ ის კროოს აუცილებლად დაიმატებს. თუმცა "იუნაიტედის" გულშემაკივართა უმეტესობა აუცილებლად მოითხოვს ამ გუნდში სხვა უკეთესი მწვრთვნელის მოყვანას. ფაქტია, რომ კროოს დღეს ძალიან კარგი მწვრთვნელი ჰყავს და ის თავის საუკეთესოს აჩვენებს. გვარდიოლა ნამდვილად დაამშვენებდა "იუნაიტედს", პლიუს კროოსი. (ასე რეალობისთვის ჯერ მზად არ ვართ).
თუ კროოსის ტრანსფერი შედგა და დიდი ალბათობით ეს ასეც იქნება, მაშინ კლუბს მრავალი სახის ტაქტიკა შეუძლია მოარგოს მხოლოდ და მხოლოდ კროოს. მაგალითად, ძალიან შემტევი ტაქტიკა 4-3-2-1, კროოსი და მის გვერდით კერიკი, ფელაინის წყვილი, წინ მატა - რუნი, ან იანუზაი - კაგავა, შესაძლებლობა ბევრია. გამოკვეთილ ფორვარდად კი რობინ ვან პერსი. კროოსი მოერგება 4-4-2 ტაქტიკას, თუნდაც 4-2-3-1, მთავარია მწვრთვნელს რა დავალება ექნება, ბურთის ფლობა, შეტევა, თუ დაცვა. კროოსის გამოყენება ყველგან შეიძლება ცენტრში.
(კროოსის მოქმედება შალკესთან და მისი პასები)
რა შეიძლება დავუწუნოთ კროოსს ?პირველ რიგში, თუ კი ის "იუნაიტედში" გადავა მისი სახით უდიდესი კონკურენცია წარმოიქმნება "იუნაიტედში". იანგი, ვალენსია, კაგავა, რუნი, ვან პერსი, მატა, ნანი, ჩიჩარიტო, უელბეკი, იანუზაი. სწორედ ამ ფეხბურთელებიდან უმეტესობა ან დატოვებს გუნდს, ან უბრალოდ მოუწევთ კროოსის "ატანა".
კროოსს, როგორც ყველა კარგ ფეხბურთელს, პრობლემები მასაც ახასიათებს. მაგალითად ხშირად ფორმიდან ამოვარდნა, თამაშიდან გამოთიშვა და ა.შ. არის ხოლმე მომენტები, როდესაც ის უკან აღარ ჩადის დაცვის დასახმარებლად, არა იმიტომ რომ იღლება, არამედ ამას თამაშიდან ამოვარდნა ჰქვია. თუმცა ეს არც ისე ხშირი მოვლენაა. კროოსს ძალიან ხშირად ბაიერნში დაცვითი ტიპის თამაში ევალება და შეიძლება ფელაინისთან ერთად ის მხოლოდ და მხოლოდ ბურთის დაჭერაზე გადავიდეს, თუმცა "იუნაიტედს" ცენტრში აშკარად კრეატიულობა აკლია და კროოსი სწორედ ამიტომ არის საჭირო მოიესის მანჩესტერისათვის.
მოკლედ, რომ ვთქვათ კროოსი არ იქნება წარმატების გასაღები "იუნაიტედისთვის", მასთან ერთად გუნდს ჭირდება მარცხენა მცველი, პლიუს ცენტრალური მცველი და ყველაფერი იქნება იდეალურად. კროოსი არ არის წარმატების გასაღები, თუმცა ის ძალიან დიდ როლს შეიტანს "იუნაიტედის" განვითარებაში.
წყარო:
"Bleacher"