დავიდ დე ხეა აღიარებს, რომ "იუნაიტედი" ძალიან ცუდად გამოიყურებოდა "ოლიმპიაკოსთან" მატჩში რამდენიმე კვირის წინ, თუმცა ახალგაზრდა მეკარე იმედს არ კარგავს და ფიქრობს, რომ მათი წარდგენა გაცილებით უკეთესი იქნება ოთხშაბათს.

"წითლებს" ძალიან რთული მატჩი ელის და დიდი შრომაც მოუწევთ, რადგანაც ისინი უკვე დამარცხდნენ ათენში 2 ბურთის სხვაობით. საქმეს ართულებს ისიც, რომ "ეშმაკუნებმა" გოლის გატანა ვერ შეძლეს.

თუმცა დავიდ დე ხეა დარწმუნებულია, რომ "წითლები" უკეთესნი იქნებიან თავდასხმაში, "იუნაიტედი" შეძლებს კიდევ ერთი ქამბექის გაკეთებას და შემდეგ ეტაპზე გასვლას.

"ჩვენ ვიცით, რომ კარგად არ გვითამაშია საბერძნეთში. ისინი ჩვენზე უკეთესნი იყვნენ და მოიგეს კიდეც. მაგრამ ახლა, განმეორებითი მატჩი გველის "ოლდ ტრაფორდზე" სადაც გველიან შესანიშნავი ფანები და ჩვენ, მათთან ერთად, მინდორზე ბოლომდე ვიბრძოლებთ პირველივე წუთიდან. სწორედ ამიტომაც, ვფიქრობ, რომ კარგი თამაშის, პრესინგისა და შეტევის ხარჯზე ჩვენ შევძლებთ გამარჯვებას,"-აცხადებს ესპანელი.

"ჩვენ ყველაფერს გავაკეთებთ რაც ჩვენს ხელშია და ვითამაშებთ გაცილებით უკეთ ვიდრე ათენში. ატმოსფეროთი და გუნდით ჩვენ ყველანაირი პირობა გვაქვს იმისა, რომ მივაღწიოთ წარმატებას და დიდი იმედი მაქვს იმისა, რომ მივაღწევთ შემდეგ რაუნდს."

"იუნაიტედის" მენეჯერი კი დიდი წნეხის ქვეშაა. მან უნდა გამოაცოცხლოს გუნდი 3-0 წაგების შემდეგ, თუმცა დე ხეას სჯერა, რომ "ჩემპიონთა ლიგაზე" თამაში ეს უკვე მოტივაციაა.

""პრემიერ ლიგა" და "ჩემპიონთა ლიგა" ეს ორი განსხვავებული თამაშია. ეს ჩემპიონატი გამოვარდნაზეა და შენ აუცილებლად უნდა მოიგო ყოველი შერკინება,"-აცხადებს ესპანელი, რომელმაც ყოფილ კლუბთან ერთად შეძლო ევროპის თასის მოგება.

"ამ ცალკეულ შერკინებებში კი ძალიან დიდი ემოციებია. როცა მატჩი მაქვს სათამაშო, მოუთმენლად ველი და ყოველი წამი საუკუნედ მეჩვენება, ვეღარ ვითმენ ხოლმე. შემდეგ მე მატჩის ყოველი წუთი ძალიან მსიამოვნებს და ვცდილობ ჩემი მაქსიმუმი ვაჩვენო. ჩემი ოცნებაა "ჩემპიონთა ლიგის" აწევა ერთ დღეს. ეს ყველაზე საოცარი შეგრძნებაა,"-დაასრულა დავიდმა.


ManUtd.com