25 წლის მანჩესტერელი ხუან მატა საკუთარ ბლოგზე მადლობას უხდის იმ ხალხს ვინც გულშემატკივრობდა გუშინდელ მატჩში გუნდს ბოლო წუთებამდე. 37 მილიონიანი ტრასფერი ჯერ-ჯერობით იმედებს ვერ ამართლებს, ცნობისთვის ბოლო 7 მატჩიდან "იუნაიტედმა" მასთან ერთად მხოლოდ 3 მატჩი მოიგო.
"არ არსებობს სიტყვები, რომელითაც შემიძლია ავღწერო მხარდაჭერა. თამაშებში, როგორიც იყო გუშინ თქვენი გულშემატკივრობა იყო საოცარი. მხოლოდ ამ მხარდაჭერისათვის გულშემატკივრები უზომოდ ბევრს იმსახურებენ. არ ვიცი რამდენად სწორად გადმოვცემ ჩემს სათქმელს, თუმცა ვამბობ იმას რასაც ვგრძნობ." - საუბრობს ესპანელი მატა.
მატას სჯერა, რომ გულშემატკივართა თანადგომა მას გააძლიერებს და გახდის უკეთეს ფეხბურთელს, რომელიც აჩვენებს მის ძალას და პროფესიონალიზმს.
"ქარიშხალიც ჩაივლის და მზეც გაბრწყინდება კიდევ ერთხელ" - განაცხადა მატამ. "თუმცა არავინ ამბობს, რომ ეს იქნება ადვილი, მაგრამ ფეხბურთია და ყველაფერი ხდება. სწორედ ფეხბურთი გაძლევს შესანიშნავ მომენტებს და ის უნდა გამოიყენო აუცილებლად, თუმცა ხანდახან არის რთული მომენტებიც, ამიტომ შენ საკუთარ თავში უნდა გამონახო სიამაყე, პლიუს პროფესიონალიზმი და ყველაფერი იქნება რიგზე." - დაასრულა ესპანელმა.