"ბაიერნის" მთავარი მწვრთვნელი ხოსეპ გუარდიოლა მზად არის გაყიდოს მარიო მანჯუკიჩი "მანჩესტერ იუნაიტედში", წერს football direct news.
მას შემდეგ რაც ლევანდოვსკის ტრანსფერი დადასტურდა, ნათელი გახდა, რომ კლუბს მანჯუკიჩი დატოვებდა. გუარდიოლა სავარაუდოდ ყველა შემოთავაზებას განიხილავს და ამის შემდეგ გადაწყვეტს სად გაყიდოს. თუმცა, ტრანსფერის ფავორიტად "იუნაიტედი" მოიაზრება.
მანჯუკიჩი ამ სეზონში ძალიან კარგად გამოიყურება, მას 23 მატჩში 17 გოლი აქვს გატანილი. მიუხედავად ამისა გუარდიოლა თვლის, რომ თავდასხმელის შეცვლა აუცილებელია. სწორედ იგივეს აკეთებდა "ბარსელონაშიც" და ამას კარგი შედეგიც მოჰქონდა.
"იუნაიტედის" ბოსები მიმდინარე მოვლენებით აღშფოთებულები არიან, თუმცა მზად არიან მოიესს გარკვეული თანხა გამოუყონ და კიდევ ერთი შანსი მისცენ. სწორედ ამიტომ, მანჯუკიჩი შესაძლოა პრემიერ ლიგაში ვიხილოთ.