"მანჩესტერ იუნაიტედის" მთავარმა მწვრთნელმა დევიდ მოიესმა ნანიზე და ევანსზე ისაუბრა. "ჯონი ნელ-ნელა უახლოვდება მოედანს, თუმცა ვფიქრობ ის მხოლოდ 1 კვირის შემდეგ შეძლებს ვარჯიშის დაწყებას.
ჩვენ გვეგონა რომ მისი ტრავმა არ იყო ძალიან სერიოზული, თუმცა შემდეგ ყველაფერი გაუარესდა. იმედი მაქვს ჯონი მალე დაუბრუნდება მოედანს."
რაც შეეხება პორტუგალიელ ვინგერ ლუიშ ნანის, მასთან მდგომარეობა უფრო კარგადაა.
"ნანი უკვე ვარჯიშობს. ის მზად იყო "ლივერპულთან" სათამაშოდ, თუმცა არ გავრისკე და ის განაცხადში არ შევიყვანე. ვფიქრობ "ოლიმპიაკოსთან" ის შეძლებს თამაშს და ჩვენს გუნდს დაეხმარება. ნანი მნიშვნელოვანი ფეხბურთელია და მიხარია, რომ ის მზადაა სათამაშოდ." - დაასრულა მოიესმა.