შოტლანდიელი სპეციალისტი საქებარი სიტყვებით ამკობს რობინ ვან პერსის, მაგრამ აღიარებს რომ ამ უკანასკნელს დიდ კონკურენციას გაუწევს დენი უელბეკი, როდესაც "ლივერპულის" წინააღმდეგ სასტარტო თერთმეტეულის დასახელება გახდება საჭირო.

"ვესტ ბრომვიჩთან" მატჩის დროს, დევიდ მოიესმა ვან პერსი 63-ე წუთზე შეცვალა. მიუხედავად ამისა, მან განაცხადა, რომ ის კმაყოფილი იყო ჰოლანდიელის თამაშით. სწორედ დენი უელბეკმა შეცვალა ვან პერსი და როგორც შემდეგში აღმოჩნდა, შეტევები უფრო სახიფათო გამოდიოდა. ცვლილება გამართლდა და დენიმ გოლის გატანა შეძლო.

მიუხედავად ყველაფრისა, "ლივერპულის წინააღმდეგ, დიდი ალბათობით ისევ ვან პერსი მოხვდება ძირითად შემადგენლობაში, თუმცა მოიესი აღიარებს, რომ უელბეკის ფორმა მას ბევრ საფიქრას გაუჩენს არჩევანის გაკეთების დროს.

"დენი მოწოდების სიმაღლეზეა." აცხადებს მოიესი. "მე მას ეს ორი კვირის წინ ვუთხარი. მან ტრავმა მოიშუშა და მაშინვე დაიწყო გოლების გატანა. შემდეგ მას ჩავარდნა ჰქონდა, მაგრად აშკარაა, რომ ის უფრო და უფრო იხვეწება. დენის თვალებში მე ნაპერწკალს ვხედავ, რაც ჩვენთვის მხოლოდ დადებითის მაუწყებელია."

"როდესაც უეინ რუნი და რობინ ვან პერსი ტრავმის გამო გუნდს აკლდებოდნენ, სწორედ მას გაჰქონდა გოლები და გვეხმარებოდა. დენი კარგი ფეხბურთელია და ძალიან მომწონს იგი. უელბეკი განსხვავდება თავისი თანაგუნდელებისგან (რუნი & ვან პერსი). მას აქვს შანსი ითამაშოს როგორც მარცხენა ფლანგზე, ასევე ცენტრშიც. ის ჩვენ არჩევანის საშუალებას გვაძლევს."

მოიესი აცხადებს, რომ უკანასკნელ მატჩში ვან პერსი შეცვლილი იქნა, რადგან მას უკვე ჰქონდა ერთი ყვითელი ბარათი და ალბათობა იმისა, რომ მოედანს ვადაზე ადრე დატოვებდა, ძალიან დიდი იყო.

მიუხედავად ამისა, შოტლანდიელმა შეაქო ვან პერსი და განაცხადა, რომ ეს მატჩი იყო მისთვის ერთ-ერთი საუკეთესო, რომელიც აქამდე 30 წლის ფორვარდს ჩაუტარებია.

"მიმაჩნია რომ რობინს ერთ-ერთი საუკეთესო მატჩი ჰქონდა გასულ კვირას, "ვესტ ბრომვიჩის წინააღმდეგ. რადგან ის გაუჩერებლად მოძრაობდა და ვარდნებს ასრულებდა. მე მას ვუთხარი თუ რისი გაკეთება იყო საჭირო, მაგრამ ნახევარიც კი არ შეუსრულებია. შანსი იმისა, რომ იგი გაეძევებინათ ძალიან დიდი იყო, მაგრამ ჩვენ სწორედ ასეთი რობინი გვჭირდება."

"ვიცით რო ვან პერსის ბევრი გოლის გატანა შეუძლია. ის შესანიშნავი ინდივიდუალური ფეხბურთელია, მაგრამ ამასთანავე შეუძლია გუნდური მუშაობაც. სწორედ ეს დაგვანახა მან გასულ მატჩში. ვფიქრობ რომ მან კარგად ითამაშა. მას დიდი ხნის მანძილზე ეჭირა ბურთი და ძალიან მოტივირებული ჩანდა."

"ვიფიქრე რომ რობინი ცდილობდა დაენახებინა ჩვენთვის თუ რაოდენ მნიშვნელოვან საქმეს აკეთებს გუნდისთვის. მან 90 წუთი ითამაშა ჰოლანდიის ნაკრებში, იქნა გაფრთხილებული, გადარჩა გაძევებას... ასე რომ გიჟი უნდა ყოფილიყავი რომ არ გაგეყვანა იმ მომენში ვან პერსი მოედნიდან... მითუმეტეს მაშინ, როდესაც იცი წინ როგორი მატჩები გელის." დაასრულა მოიესმა.

წყარო: Mirror