პორტუგალიელმა ვინგერმა ტრავმის გამო 19 მატჩი გამოტოვა და შესაბამისად, 7 დეკემბრის შემდეგ არ გამოჩენილა მოედანზე. მიუხედავად მძიმე ტრავმისა, პარასკევს დევიდ მოიესმა სასიამოვნო ინფორმაცია გადასცა მედიას. ნანი და კიდევ 3 ტრავმირებული ფეხბურთელი მწყობრში ჩადგნენ.
"ნანი დაბრუნდა." აცხადებს მოიესი. "მას ძალიან მძიმე ტრავმა ჰქონდა, მაგრამ ახლა ივარჯიშა კიდეც. იმედი მაქვს ძალიან მალე დაიბრუნებს ძველ ფორმას. რაფაელი, ხავიერ ერნანდესი და ჯონი ევანსიც დაბრუნდნენ მასთან ერთად. მათ ყველას აქვთ შანსი რომ ითამაშონ "ლივერპულის" წინააღმდეგ."
მოიესმა ასევე განიხილა მის განკარგულებაში მყოფი ცენტრალური მცველების თამაში. როგორც ჩანს, ბოსი კმაყოფილია რიო ფერდინანდის და ნემანია ვიდიჩის სავარაუდო შემცვლლებით - ფილ ჯონსითა და ქრის სმოლინგით.
"მე ძალიან ნასიამოვნები ვარ ახალგაზრდებით. ჩვენ დიდებული ფეხბურთელები გვყავს ვიდიჩისა და ფერდინანდის სახით და მათ გამოცდილების გამო ვიყენებთ. მომავალი მატჩების რაოდენობის გამო, ჩვენ ვალდებულები ვართ, რომ ყველა ფეხბურთელი ჯანმრთელი და დაუზიანებელი შევინარჩუნოთ." დასრულა მოიესმა.