"მანჩესტერ იუნაიტედის" ლეგენდამ ლუ მაკარიმ "ლივერპულის" წინააღმდეგ ჩატარებული ერთ-ერთი თამაში გაიხსენა.

"როდესაც მე იუნაიტედში ვთამაშობდი, მთელს ინგლისში ლივერპული დომინირებდა, ისინი ძალიან ძლიერები იყვნენ. გამარჯვება ლივერპულთან ძალიან მნიშვნელოვანი იყო და მას ოქროს წონაც კი ჰქონდა. ჩემი ყველაზე მნიშვნელოვანი მატჩი ლივერპულის წინააღმდეგ იყო 1997 წლის FA-ს ფინალი უემბლიზე, სადაც ჩვენ მოვახერხეთ მერსესაიდელების დამარცხება."

"ყოველი მატჩი მათ წინააღმდეგ, ინგლისში ყველაზე მნიშვნელოვან მატჩად ითვლებოდა. ეს შეხვედრა სხვა დანარჩენებისგან ტემპითა და ლამაზი ეპიზოდების სიმრავლით გამოირჩეოდა. ჩვენ მუდამ ბოლომდე მხარს გვიჭერდნენ გულშემატკივრები. ისინი ჩვენს გამარჯვებებში ძალიან დიდ როლს თამაშობდნენ და ფეხბურთელებს დიდ სტიმულს გვაძლევდნენ."

"ბოლო წლების განმავლობაში იუნაიტედი-ლივერპულის მატჩი ისევ ძალიან მნიშვნელოვანი და აქტუალური თემაა. ჩვენ მათ წინააღმდეგ უმაღლეს დონეზე ვთამაშობდით და საწადელსაც ვაღწევდით, მაგრამ ახლა ყველაფერი შეიცვალა, საერთოდ იუნაიტედს მარტის თვეში ძალიან რთული მატჩები ელის, როგორიცაა მატჩი ლივერპულის, ოლიმპიაკოსისა და სიტის წინააღმდეგ. ჩემთვის იუნაიტედის ამ სამი მატჩიდან ყველაზე მნიშვნელოვანი ოლიმპიაკოსის წინააღმდეგ მატჩია."

"მე არ ვფიქრობ, რომ ლივერპულთან გამარჯვება იუნაიტედის ბედს მნიშვნელოვნად შეცვლის. ევროპაში ბიჭებ ჩემპიონთა ლიგის მომდევნო ეტაპზე გასვლის ძალიან დიდი შანსი აქვთ. მიუხედავად ყველა სირთულისა იუნაიტედი ლივერპულთან სამართლიანად და ღირსეულად მოიგებს. ბოლო წლებში ლივერპული ძალიან გაძლიერდა, მიუხედავად ამისა იუნაიტედი ამ ბარიერს მაინც დაძლევს და სამი ქულის აღებას შეძლებს"




Redevils.ru