"მანჩესტერ იუნაიტედის" ინგლისელი ფორვარდი უეინ რუნი მიიჩნევს, რომ ნემანია ვიდიჩის წასვლის შემდეგ, გუნდის კაპიტანს მთავარი მწვრთნელი დევიდ მოიესი აირჩევს.

"მე რამდენიმეჯერ მერგო პატივი და მოვირგე კაპიტნის სამკლაური იუნაიტედში. ამჟამად გუნდის კაპიტანი ნემანიაა და მისი წასვლის შემდეგ ახალ კაპიტანს დევიდ მოიესი აირჩევს. თუ დევიდმა მე ამირჩია, ძალიან გამიხარდება და ამ შემოთავაზებას აუცილებლად დავთანხმდები და ეს ჩემთვის დიდი პატივი იქნება. ჯერ-ჯერობით მოიესს გადაწყვეტილების მისაღებად დიდი ხანი დარჩა და ვიმედოვნებ იგი ღირსეულ გადაწყვეტილებას მიიღებს."-განაცხადა უეინმა ოფიციალურ საიტთან მიცემულ ინტერვიუში.

"ჩემთვის დიდი მნიშვნელობა არ აქვს სამკლაურის გარეშე თამაშს. მთავარი ისაა, რომ მე იუნაიტედის ღირსებას ბოლომდე ვიცავ, ამიტაც ყველაფერი ნათქვამია. მოედანზე არა მხოლოდ ფეხებით არამედ ხმითაც ვმუშაობ. მე ვეხმარები ახალგაზრდა ფეხბურთელებს, ღირსეულ სპორტსმენებად ჩამოყალიბებაში და ვფიქრობ ამისათვის კაპიტნობა აუცილებელი არ არის."

უეინმა ასევე ისაუბრა იმაზე, თუ როგორ ეხმარება იგი ახალგაზრდა ვარსკვლავს ადნან იანუზაის

"რამდენჯერმე მე და ადნანი ვარჯიშის შემდეგ მოედანზე დავრჩით და ერთად ვვარჯიშობდით ტექნიკაზე დარტყმებზე და სტანდარტებზე. მე ადნანს მუდამ ვეხმარები დამატებითი პრაქტიკის შეძენაში. ეს ყველაფერი ჩვენთვის ძალიან კარგია. მე მუდამ ვეხმარები მას, რათა ყოველ მატჩში უმაღლესი დონე აჩვენოს. ადნანი შესანიშნავი ფეხბურთელია. ადნანის მსგავსად ასევე აუცილებელად მოედანზე გამოსვლის შანსი ახალგაზრდა ნიჭიერ ფეხბურთელებსაც უნდა მივცეთ, რომლებიც მუდამ პირველ გუნდში გამოძახების მოლოდინში არიან და აქ ადგილის დასამკვიდრებლად ყველაფერს აკეთებენ"

Manutd.ru