"მანჩესტერ იუნაიტედის" ლეგენდამ გარი პალისტერმა "ლივერპულის" წინააღმდეგ ჩატარებული მატჩები გაიხსენა.
"80-იანი წლების დასასრულსა და 90-იანი წლების დასაწყისში ლივერპული ინგლისში ყველაზე საუკეთესო გუნდი იყო. ჩვენ მათ წინააღმდეგ თამაში მუდამ გვიჭირდა. იუნაიტედისა და ლივერპულის დაპირისპირება, სეზონის ყველაზე საუკეთესო მატჩად ითვლებოდა. როდესაც იუნაიტედში მოვედი, პირველივე წუთს ის ვიფიქრე, რომ მნიშვნელობა არ ჰქონდა რას წარმოაგენდა ლივერპული და ცხრილში რომელ ადგილზე იმყოფებოდა მთავარი ის იყო, რომ ჩვენ იუნაიტედი ვიყავით და ნებისმიერ დონის გუნდის დამარცხება შეგვეძლო."
"ჩემთვის ყველაზე დასამახსოვრებელი მატჩი ლივერპულთან იყო, 1997 წელს ენფილდზე, როდესაც ჩვენ 1:3 ანგარიშით გავიმარჯვეთ. ამ მატჩში მე ორი ბურთის გატანა შევძელი. ჩემს სიხარულს საზღვარი არ ჰქონდა, არასოდეს დაუმარცხებია ჩემს გუნდს ასეთი პრინციპული მოწინააღმდეგე ჩემი გატანილი ბურთების წყალობით. მე ამ მატჩის ამსახველ ფოტოებს სახლში გულმოდგინედ ვინახავ."
"ჩვენ ბიჭებს უკან მოსახედი გზა არ აქვთ. ახალმა "იუნაიტედმა" უნდა შეძლოს კვირას სამი ქულის აღება და მოიპოვოს მნიშვნელოვანი გამარჯვება, მნიშვნელოვან მოწინააღმდეგესთან. იუნაიტედმა ერთი ქულა მაინც უნდა აიღოს ლივერპულთან. წინააღმდეგ შემთხვევაში მოიესის შეგირდებს ოთხეულში შესვლის არაინაირი შანსი არ ექნებათ."-დაასრულა პალისტერმა