მას შემდეგ რაც უილფრიდ ზაჰა არენდის სახით "კარდიფ სიტის" შეუერთდა, იგი იღებდა იმას, რაც დევიდ მოიესის ხელმძღვანელობისას აკლდა, თუმცა ბოლო 2 მატჩია ზაჰას სათადარიგოთა სკამზე ვხედავთ. ამასთან დაკავშირებით, "კარდიფის" ბოსმა, ოლე გუნარ სოლსკიაერმა კომენტარი გააკეთა და თქვა, რომ მის გეგმებში დიდი ადგილი უჭირავს ახალგაზრდა ვინგერს.
"თავდაპირველად შაბათის მატჩისთვის მე ვგეგმავდი ზაჰასთვის სათამაშო დრო მიმეცა, მაგრამ ჩემი არჩევანი ფრაიზერ კემბელზე შეჩერდა, რომელზეც ვფიქრობდი, რომ მხოლოდ 60 წუთის გატარებას შეძლებდა მოედანზე, მაგრამ როგორც ვნახეთ, მან თავდაუზოგავად იმუშავა. რა თქმა უნდა, ზაჰას დიდი ადგილი უკავია ჩემს გეგმებში. წინააღმდეგ შემთხვევაში მე მას კლუბში არ მოვიყვანდი." - აცხადებს ნორვეგუელი სპეციალისტი.
"ნორვიჩთან" მატჩში ანგარიში ნონემ გაათანაბრა, ხოლო გამარჯვების გოლი კენვეინ ჯონსმა ჩაიწერა საკუთარ აქტივში. ოლე გუნარი კი აცხადებს, რომ მათთან სამუშაო ჯერ კიდევ ბევრია.
"მე თავად ვიყავი თავდამსხმელი და ვიცი ისინი როგორც ვიფქრობენ, რას გრძნობენ და რისი მიღება უნდათ ვარჯიშისგან. ეს ყველაფერი ხომ სწორად ვარჯიშზეა დამოკიდებული. მე მათ სრული ნდობა გამოვუცხადე და ამაში სანერვიულო არაფერია."
"რთულია, როცა თამაშებს უგოლოდ ატარებ, მაგრამ როცა შეძლებ და ამ "მშრალ" სერიას გოლით დაასრულებ, ისევ ფიქრობ რომ მსოფლიოში ერთ-ერთი საუკეთესო ხარ. ეს არის თავდაჯერებულობა, რაც თავდამსხმელს სჭირდება. გოლის გატანიდან აცილებამდე ერთი პატარა ნაბიჯია. გოლების უმეტესობა ერთი შეხებით უნდა გადიოდეს." დაასრულა სოლკიაერმა.