"იუნაიტედი" ზაფხულის სატრანსფერო ფანჯარაზე მადრიდის "რეალის" 21 წლის ესპანელი სტრაიკერის ალვარო მორატას შეძენას შეეცდება.
21 წლის ნიჭიერი ფეხბურთელის შეძენა უკვე აქტუალური თემა გახდა. ესპანელს ასევე პრემიერ ლიგის გრანდი ლონდონის "არსენალიც" უმიზნებს, მანამდე კი ამ ტრანსფერში "ტოტენჰემი" და "ლივერპულიც" იყო ჩართული.
ESPN იუწყება, რომ მორატას გადმობირების ყველა რეალური შანსი "მანჩესტერ იუნაიტედს" აქვს. ბრიტანული გაზეთები რეალის ფორვარდს უკვე "ოლდ ტრაფორდს" უკავშირებენ.
მიმდინარე სეზონში მორატამ ლა ლიგაში 13 მატჩი ჩაატარა. აქიდან ესპანელი პირველივე წუთებიდან მოედანზე მხოლოდ ერთხელ გამოჩნდა, სწორედ ამის გამო ალვარომ მხოლოდ 5გოლის გატანა შეძლო. მორატას "რეალთან" მიმდინარე კონტრაქტი 2015წლის ზაფხულში ეწურება, როგორც ჩანს ალვარო მორატა კლუბთან კონტრაქტის გახანგრძლივებაზე არ ჩქარობს.