ბოლო რამდენიმე კვირის გამნმავლობაში არ წყდება ჭორები "მანჩესტერ იუნაიტედის" მექსიკელი თავდამსხმელის ხავიერ ერნანდესის გარშემო.მისი მომავალი არაერთმა ცნობილმა გამოცემამ დააკავშირა "ინტერთან",მაგრამ იტალიური კლუბის პრეზიდენტმა ერიკ ტოჰირმა უარყო ჩიჩარიტოსადმი ინტერესი.
"ხავიერ ერნანდესი კარგი და მუდამ პროგრესირებადი ფეხბურთელია,მაგრამ ჩვენ არასდროს არ დავინტერესებულვართ მისით.სეზონის ბოლოს ჩვენ გადავხედავთ გუნდის მიღწევებს და ამის შემდეგ დავიწყებთ მზადებას ტრანსფერებისთვის."- განაცხადა "ინტერის" პრეზიდენტმა.
მექსიკელ თავდამსხმელს თითქმის აღარ აქვს სათამაშო დრო მანჩესტერულ კლუბში და სწორედ ამ ყველაფერმა გამოიწვია ჭორები მის გარშემო.ამ მომენტისთვის ჩიჩარიტო ტრავმირებულია და ის რამდენიმე კვირით დააკლდება გუნდს.
შეგახსენებთ ხავიერ ერნანდესმა პრემიერ ლიგაში ბოლო მატჩი "მანჩესტერ იუნაიტედის" მაისურით 9 თებერვალს გამართა "ფულემის" წინააღმდეგ,მან 69-ე წუთზე ეშლი იანგი შეცვალა.