Sky Sports - ის ექსპერტი, ჯეიმი რედნაპი თვლის, რომ თუ კი პერსი გადაწყვეტს "იუნაიტედი" დატოვოს, ამაში გასაკვირი არაფერი იქნება.
"გასაოცარია თუ როგორ იცვლება ერთ წელში ყველაფერი. წინა წელს პერსი "ოლდ ტრაფორდის" გმირი იყო, ახლა საკუთარი თავის აჩრდილია."
"როცა მე ვიყავი ფეხბურთელი, ასეთ სიტუაციას ხშირად ვაწყდებოდი. ერთი ფეხბურთელი კლუბის წინამძღოლია ერთი წლის განმავლობაში, მერე კი ჩნდება ადამიანი , ვინც შენს ადგილს იკავებს. ფორვარდების შემთხვევაში ეს უფრო ხშირია, რადგან მათ ყველაზე მეტად სჭირდებათ იერარქიის სათავეში ყოფნა"
"წინა სეზონში პერსი საყოველთაო ყურადღების ქვეშ იყო. ის ფერგიუსონის "ოქროს ბიჭუნა" იყო. დევიდ მოიესის დროს კი ასე არაა, ახლა რუნია წინა პლანზე. მისმა ახალმა კონტრაქტმა დაადასტურა თუ რამდენად მნიშვნელოვანია იგი კლუბისთვის. ამან რა თქმა უნდა ვან პერსის თავმოყვარეობაზე ძლიერ იმოქმედა."
"არ ვამბობ, რომ რობინი დაეცა, ან ცუდი მოთამაშეა. პრემიერ-ლიგის ისტორიის საუკეთესო უცხოელ მოთამაშეთა ჩემეულ რეიტინგში იგი მე-7 ადგილზეა. მაგრამ პერსი არ ახალგაზრდავდება და თუ კი ზაფხულში წასვლის სურვილს გამოთქვამს, არამგონია "იუნაიტედი" შეეწინააღმდეგოს."