"მანჩესტერ იუნაიტედის" მთავარი მწვრთნელი, დევიდ მოიესი დარწმუნებულია, რომ ფილ ჯონსი და კრის სმოლინგი ინგლისის ნაკრების ძირითადი ცენტრალური მცველები გახდებიან, თანაც წლების განმავლობაში.
"ვესტ ბრომვიჩთან" გამართულ შაბათის შეხვედრაში სმოლინგმა და ჯონსმა სამი წლის განმავლობაში პირველად დაიწყეს მატჩი ცენტრალური მცველის პოზიციაზე ერთად. ამ მცველების დახმარებით კი "იუნაიტედმა" შეხვედრა 3-0 მოიგო.
ვიდიჩის წასვლისა და ფერდინანდის ბუნდოვანი მომავლის გამო მოიესი თავის იმედებს ახალგაზრდა მცხველებზე ამყარებს.
"ვიმედოვნებ მომავალში სმოლინგი და ჯონსი ინგლისის ნაკრების მთავარი შემადგენლობის ცენტრალური მცველები იქნებიან. ისინი დღესაც არიან მზად, რომ მსოფლიო ჩემპიონატზე ერთად დაიცვან ინგლისის ნაკრები."
"დარწმუნებული ვარ, რომ ისინი ძლიერ კონკურენციას გაუწევენ "იუნაიტედის" სხვა ცენტრალურ მცველებსაც."
"როგორც უკვე ვთქვი, მათ სეზონის დარჩენილ ნაწილში დავაკვირდები. ვიდიჩის, ევანსის და რიოს გამოყენებას გავაგრძელებ. ვიცით რომ ვიდა სეზონის ბოლოს გვტოვებს, ამიტომ ახალგაზრდებიც უნდა ვსინჯოთ" - ციტირებს მოიესის სიტყვებს Sky Sports.