"მანჩესტერ იუნაიტედს" ვინგერებთან დაკავშირებით სახარბიელო სიტუაცია ნამდვილად არ აქვს. დღეს განვიხილოთ 3 საუკეთესო წყვილი, რომლებმაც შეიძლება დაიკავონ ადგილი ძირითადში.

3. იანგი/კაგავა

შინჯი კაგავა 10-იანზე ერთ-ერთი საუკეთესო, რომ არის ამაში ეჭვი არავის ეპარება, თუმცა ფლანგზე იაპონელი ნაკლებად ეფექტურია. ის 2 წელია ცდილობს ჩაჯდეს "მანჩესტერის" სათამაშო სქემაში, თუმცა ჩვენ და სამწუხაროდ ამას იშვიათად ახერხებს. რა თქმა უნდა შინჯის ჰქონდა გამონათებები, თუმცა ეს საკმარისი არაა. რაც შეეხება ეშლი იანგს არ ვთვლი, რომ ის ცუდი ვინგერია, მაგრამ არა "მანჩესტერის" დონის. "იუნაიტედში" გადმოსვლის შემდეგ მან ძალიან ცოტა მატჩი ჩაატარა მაღალ დონეზე. ეს წყვილი ყველაზე სუსტია.



2. ვალენსია/იანუზაი

ამ წყვილმა უკვე ბევრი თამაში ჩაატარეს ერთად, თუმცა ბევრი მათგანი გუნდმა წააგო. ვალენსიას აქვს ის რაც ყველა ვინგერს სჭირდება: სისწრაფე, მაგრამ კრეატიულობაში ანტონიო ნამდვილად მოიკოჭლებს. ამასთანავე პრემიერ-ლიგის მცველებმა უკვე შეისწავლეს მისი მოძრაობები და ანტონიოს სულ უფრო ურთულდება მათი მოტყუება. ამის ფონზე გმირად ჩანს იანუზაი, რომლის ფინტები, გარღვევები, ჩაწოდებები სიამოვნებას გვანიჭებს. ალბათ ამ სამიდან ეს წყვილი მაინც მეორე ადგილის ღირსია.


1. ნანი/მატა

ჩემი აზრით სწორედ ეს წყვილი უნდა თამაშობდეს რეგურალურად. ბევრი სუბიექტურობაში დამდებს ბრალს (ნანის გამო) და შესაძლოა ეს ასეცაა, მაგრამ პორტუგალიელს ბოლო შანსი "კარგ გარემოში" უნდა მიეცეს. მატაზე აღარ ვისაუბრებ მასთან დაკავშირებით ყველაფერი ნათელია. ჩემი აზრით ეს ორი ფეხბურთელი საოცარ ფეხბურთს ითამაშებს თუ ისინი მოედანზე ერთად იქნებიან. ისინი თამაშის სტილით ჰგვანან კიდეც ერთმანეთს.

შეიძლება ბევრმა იანუზაის გამო ეს წყვილები არ მოიწონოს, მაგრამ ვფიქრობ, რომ ის ძალიან ახალგაზრდაა იმისათვის, რომ რეგურალურად ითამაშოს. მას ყველაფერი წინ აქვს და დრო ნამდვილად ექნება.

აქვე "იუნაიტედის" ყველა ვინგერის სტატისტიკა.







გააკეთეთ არჩევანი და კომენტარებში დაწერეთ თქვენი ფავორიტი წყვილიც!