რობინი გვტოვებს, უელბეკს ახალი გამოწვევები ელის, საუტჰემპტონის დუეტი 40 მილიონად.
რობინ ვან პერსის მომავალი ჯერ კიდევ გაურკვეველია. რობინი ვერ შედის სასურველ ფორმაში, ამიტომ დაიწყო საუბრები იმის შესახებ, რომ ის გუნდს დატოვებს. გავრცელდა ხმები, თითქოს ჰოლანდიელი ისევ "მეთოფე" გახდება, მაგრამ ეს არარეალურია- "არსენალს" არ სურს რობინს გაუმჯობესებული პირობები შესთავაზოს- პერსის მანჩესტერში კვირაში 240,000 ევროს უხდიან, ლონდონურ კლუბში კი იგივე თანხის გადახდას რობინისთვის ყოველკვირეულად არ აპირებენ. ფორვარდს მეორე ლონდონურ კლუბს, "ჩელსისაც" უკავშირებდნენ, მაგრამ ეს ვარიანტი კიდევ უფრო არარეალურია. "იუვენტუსი" და "მილანი" ასევე ეცდებიან მის შეძენას.
რობინი გუნდისთვის საჭირო ფეხბუთელი აღარ არის?
ჯერ კიდევ გაურკვეველია, დაბრუნდება თუ არა რობინი ძველ კლუბში?
დენი უელბეკს ახალი გამოწვევები ელის. ის "იუნაიტედში" დიდ კონკურენციას განიცდის, ამავდროულად მოუწევს ბრძოლა ინგლისის ნაკრების ძირითად შემადგენლობაში მოსახვედრად. 23 წლის ფორვარდი დიდი ალბათობით ნაკრებს ბრაზილიაში გაყვება. რაც შეეხება მანჩესტერს, მისი საკითხი აქ უფრო რთულად დგას- მოიესი ზაფხულში 200 მილიონი ევროს დახარჯვას აპირებს ახალ ფეხბურთელებში, გუნდის დატოვება კი არაერთ მოთამაშეს მოუწევს. ნაკრებში მისი მთავარი კონკურენტი დანიელ სტარიჯია, რომელის შესანიშნავ სეზონს ატარებს. თავად უელბეკმა გუშინდელ მატჩში "ვესტ ბრომის" კარი დალაშქრა და ეს მისი მეცხრე გოლი იყო პრემიერ ლიგაში.
შინჯი და დენი მესამე გოლის შემდეგ
უელბეკმა ფოსტერს შანსი არ დაუტოვა
დენიმ გუშინდელ მატჩში რობინი შეცვალა
როი ჰოჯსონი უელბეკს ენდობა
"იუნაიტედი" ეცდება შეიძინოს საუტჰემპტონის ორი მოთამაშე. დევიდ მოიესი ეცდება დაიმატოს რაც შეიძლება ბევრი მოთამაშე მსოფლიოს ჩემპიონატამდე, რადგან ჩემპიონატის შემდეგ მათი ფასი საგრძნობლად აიწევს. შოტლანდიელი სპეციალისტი 40 მილიონ ევროს შესთავაზებს საუტჰემპტონს ლუკ შოუსა და ადამ ლალანას სანაცვლოდ. შოუს გადასვლა "ოლდ ტრაფორდზე" ნაკლებად სავარაუდოა, რადგან "ჩელსი" აქტიურად მუშაობს მის ტრანსფერზე. რაც შეეხება ლალანას, ის იდეალურად შეეწყობა მანჩესტერს და დაეხმარება ფორვარდებს გოლების გატანაში. "იუნაიტედი" ასევე "იუვენტუსის" ჩილელი ნახევარმცველით, არტურო ვიდალით ინტერესდება.
ლალანა (მარცხნივ) მოიესის სამიზნეა