ეშლი იანგმა კლუბის ოფიციალურ საიტს თავის კერპებზე ესაუბრა.
"მე რამდენიმე საყვარელი ფეხბურთელი მყავს და მოყოლას იან რაიატისგან დავიწყებ. ბავშვობაში თავდამსხმელი ვიყავი და ვცდილობდი ყველაფერში მისთვის მიმებაძა. მეორე ფავორიტი იყო პელე. მამა ხშირად მიყვებოდა თუ როგორი იყო იგი ახალგაზრდობაში. ვცდილობდი პელეს ფინტები მესწავლა და მოედანზე გამომეყენებინა."
"როცა ფლანგისკენ გადავინაცვლე გიგსის თამაშმა გამიტაცა. უყურო თუ როგორ გარბის ფლანგზე და გააქვს გოლი - რაღაც განსაკუთრებულია. ამის გაფიქრებაც კი დაუჯერებელია, მაგრამ ის ჯერ კიდევ თამაშობს. ეს უბრალოდ ფანტასტიური მიღწევაა."
"როცა მოთამაშეს ყოველ დღე ხვდები სავარჯიშო მოედანზე, გესმის თუ რად ღირს იგი სინამდვილეში. გიგსის ნიჭი ეჭვს არ იწვევს, მაგრამ როცა მას ახლოდან აკვირდები, მხოლოდ მაშინ ამჩნევ ამ პიროვნების მასშტაბებს. იმდენად კარგია, რომ შთაბეჭდილება გექმნება კიდევ დიდხანს ითამაშებსო."