"მილანის" ინტერს იმედი აქვს ზაფხულში ხავიერ ერნანდესს გადაიბირებს.
შეგახსენებთ, რომ "ინტერმა" უკვე მოახერხა "იუნაიტედის" კაპიტნის, ნემანია ვიდიჩის შესყიდვა. იგი იტალიურ კლუბს ზაფხულში შეუერთდება.
Daily Mirror-ის მტკიცებით, სერია ა-ს ერთ-ერთი გრანდის მორიგი სამიზნე 25 წლის მექსიკელია. "ინტერმა" უკვე დაამყარა კავშირი ჩიჩარიტოს მამასთან, რომელიც ამავდროულად მისი აგენტია.
მოსალოდნელია, რომ "ინტერი" მექსიკელისთვის 12 მლნ. ფუნტს გაიღებს. "იუნაიტედი" კი თავის თავდამსხმელს 15 მლნ. ფუნტად აფასებს.
თუ გავითვალისწინებთ იმას, რომ თანხები თითქმის ემთხვევა და იმასაც, რომ ჩიჩარიტოს ეჭვი ეპარება "ოლდ ტრაფორდზე" თავის მომავალში, დიდი შანსია, რომ მოლაპარაკება შედგეს.