"მანჩესტერ იუნაიტედის" ხელმძღვანელობა აპირებს ტომ ქლევერლი ახალი კონტრაქტითა და უკეთესი პირობებით დააჯილდოვოს.
როგორც Daily Mail-ი იტყობინება, "იუნაიტედი" 24 წლის ინგლისელ ნახევარმცველს ახალ 5 წლიან კონტრაქტს შესთავაზებს, რომელიც 15 მლნ. ფუნტის ანაზღაურებით იქნება შეცვლილი. ამგვარად ქლევერლი კვირაში 60 ათას ფუნტს მიიღებს.
თავად ქლევერლი ძალიან ცუდ პერიოდშია. მას წინა სეზონებთან შედარებით მკვეთრი ჩავარდნა აქვს და ძალიან უშედეგო ფეხბურთს თამაშობს.
მიუხედავად იმისა, რომ გულშემატკივრებმა ონლაინ-პეტიციები შეადგინეს - მოთხოვნით, ქლევერლი ნაკრებს ჩამოშორდეს, რაზეც 17 ათასი ხელმოწერა მიიღეს, ტომი როი ჰოჯსონისგანაც და დევიდ მოიესისგანაც დიდ მხარდაჭერას გრძნობს.
მოიესს კი სურს თავისი მხარდაჭერა პერსპექტიულ მოთამაშეს ახალი კონტრაქტით დაუმტკიცოს. მიუხედავად იმისა, რომ "ვესტ ბრომვიჩთან" მატჩში ქლევერლის მონაწილეობა არ მიუღია, მას მნიშვნელოვანი ადგილი უჭირავს მოიესის სამომავლო გეგმებში.