დევიდ მოიესმა "ვესთ ბრომვიჩთან" მატჩში რაფაელის კარგი თამაში აღნიშნა. ბრაზილიელმა მცველმა ტრავმა ახლახანს მოიშუშა და მოედანს საუცხოო ფორმით დაუბრუნდა. მის ანგარიშზე ერთი საგოლე გადაცემაა. რაფაელმა მოიპოვა ჯარიმა, რის შედეგადაც პირველი გოლი გავიდა. მანამდე კი, მან თავური დარტყმით ბურთი ძელს გაარტყა.
"აუცილებლად უნდა ვახსენო რაფაელი. მან შესანიშნავად ჩააწოდა უეინ რუნის გოლის მომენტში, დიდი წვლილი შეიტანა პირველი გოლის გატანაშიც. მას ალბათ, პირველ ტაიმში ერთი ან ორი გოლი თავადაც უნდა გაეტანა. დღეს ნამდვილად კარგი თამაში აჩვენა რამდენიმე ფეხბურთელმა. უკეთესი, ვიდრე ბოლო ხანებში მათგან მინახავს."
რაფაელი ნემანია ვიდიჩმა შეცვალა პირველი ტაიმის დასასრულისას. მოიესმა ეს გადაწყვეტილება განმარტა. "მან კოჭში დარტყმა მიიღო. მატჩამდე 10 წუთი იყო დარჩენილი, ის კოჭლობდა, ამიტომ არ მინდოდა გამერისკა და ეს გადაწყვეტილება მივიღე." - დაასრულა მოიესმა.