ეს სურათი სხვადასხვა გამოცემებში ერთდროულად დაიბეჭდა. ყველასთვის საინტერესოა, იქნება თუ არა "იუნაიტედის" ახალი ფორმა ასეთი. როგორც ცნობილია, მომავალ სეზონში მანჩესტერელების სპონსორი "შევროლე" გახდება და ის AON-ს შეცვლის. ახალ ფორმას შავი კონტურები აქვს მხრებზე, სახელოებსა და ღილების ადგილას. როგორც უკვე ითქვა, "შევროლე" "იუნაიტედის" ახალი სპონსორი გახდება. მხარეებმა კონტრაქტი 2012 წლის ივლისში გააფორმეს. ამერიკული კომპანია მანჩესტერს 25 მილიონ ევროს გადაუხდის წელიწადში, რათა მაისურზე მათი ლოგო იქნას გამოსახული.

ასევე აქტუალურია ფორმების მწარმოებელის თემა. ამჟამად, "იუნაიტედს" კონტრაქტი "ნაიკთან" აქვს, რომლებიც უკვე 13 წლის მანძილზე თანამშრომლობენ. ამის მიუხედავად, Sportsmail-ის ჟურნალისტი, ჩარლზ სეილი იუწყება, რომ "ეშმაკები" ახალ პარტნიორს ეძებენ მოგების გასაზრდელად. "ნაიკთან" კონტრაქტი მიმდინარე სეზონის ბოლოს სრულდება.