"მანჩესტერ იუნაიტედის" მცველები ნემანია ვიდიჩი და რიო ფერდინანდი ხუთშაბათს "მანჩესტერში" საბავშვო ჰოსპისს ეწვივნენ და ბავშვებს მთელი კლუბის სახელით საჩუქრები გადასცეს.

რიო ფერდინანდმა ვიზიტის შემდეგ განაცხადა :

"მე ყოველთვის მივესალმები ისეთ ბავშვებთან ვიზიტს, როგორებიც ასეთ მდგომარეობაში არიან. ძალიან მიყვარს მათი და მათი მშობლების მომღიმარი და კმაყოფილი სახეების ყურება."

ერთ-ერთმა პაციენტმა 9 წლის კელიმ რიოს ნახვის შემდეგ ჟურნალისტებთან მცირე ინტერვიუში განაცხადა : " როდესაც რიოს ხედავ და მას ახლოდან იცნობ, ძალიან სასიამოვნო გრძნობაა. ჩვენ ფლეი სთეიშენით მასთან ერთად ფეხბურთს ვთამაშობდით. ჩვენ მის წინააღმდეგ თამაშში დავმარცხდით, მაგრამ ამას მნიშვნელობა არ აქვს. რაც მთავარია ეხლა შემიძლია იმის თქმა, რომ მე ფეხბურთი რიოს წინააღმდეგ ვითამაშე."

ვიზიტის შემდეგ კომენტარი ჰოსპისის ხელმძღვანელმაც გააკეთა:

"ეს წარმოუდგენელი იყო. ჩვენ არასოდეს ვიფიქრებდით, რომ ჩვენთან რიო და ნემანია მოვიდოდა. ეს ძალიან დიდი საჩუქარი იყო ბავშვებისათვის. ამგვარი ვიზიტი ბავშვებს და მშობლებს ძალიან ეხმარება."




წყარო