გინტერი ერთ–ერთი საუკეთესო ახალგაზრდა მცველია "ბუნდესლიგაში". გერმანელი ნაკრებშიც გამოიძახეს და ოთხშაბათს ჩილეს წინააღმდეგ რამდენიმე წუთიც მოუწია სტადიონზე ყოფნა.

20 წლის ახალგაზრდა მცველით "ბაიერნი" და "დორტმუნდია" დაინტერესებული. ჭორების თანახმად ზაფხულში გერმანელის შესაძენად დიდი ბრძოლები გაიმართება.

გინტერს მის მომავალზე საუბარი არ სურს, თუმცა აღიარებს, რომ დიდ კლუბში გადასვლა მისი ოცნებაა. გერმანელი იმასაც ამბობს, რომ ეს არ იქნება "ბაიერნი".

"მე არ შემიძლია რომ სახალხოდ განვიხილო მოლაპარაკებები, ეს მიხურულ კარს მიღმა უნდა დარჩეს,"–განუცხადა ცენტრალურმა მცველმა "SkySports"-ს.

"მე ნამდვილად გაოცებული და ბედნიერი ვარ იმის გამო, რომ დიდებული კლუბები არიან ჩემით დაინტერესებულნი. ეს დიდი პატივია. ჩემი ცხოვრების მთავარი მიზანი სწორედ დიდ კლუბში თამაშია. ეს საიდუმლო არ არის. მაგრამ ზუსტად ვიცი, რომ ეს "ბაიერნი" არ იქნება. და კიდევ, დიდ კლუბშ თამაში ყველა ფეხბურთელის ოცნებაა."–დაასრულა გინტერმა.

"SkySports"–ის განცხადებით, გინტერის ერთ–ერთი საოცნებო კლუბი "მანჩესტერ იუნაიტედია". შესაძლოა ახალგაზრდა მცველი სულ მალე ვიხილოთ "იუნაიტედში", რადგან "წითლებს" ამ პოზიციაზე ნამდვილად სჭირდებათ ახალი ფეხბურთელი რიოსა და ვიდიჩის ნაცვლად.

SkySports