ჰოლანდიის ნაკრების ყოფილი ფიტნეს-მწვრთნელი, რაიმონდ ვერჰეინი, რომელიც თავისი სკანდალური განცხადებებითაა ცნობილი, თვლის, რომ ვან პერსი არ შემცდარა როცა "არსენალი" დატოვა.
"რობინი დიდი ხნის განმავლობაში "არსენალის ერთგული იყო და გადაწყვეტილების მიღება ძალიან გაუჭირდა. ლონდონელები რომ რეალურად იბრძოდნენ თასისთვის, ვან პერსი აქ დაასრულებდა კარიერას."
"მაგრამ ვან პერსის ესმოდა, რომ "არსენალთან" ერთად რთულია რამის მიღწევა, ამიტომაც მოუხდა ამ ნაბიჯის გადადგმა. ერთის მხრივ ეს გადაწყვეტილება ძალიან მტკივნეული იყო, მეორეს მხრივ კი - წარმატებული. პირველსავე წელს ვან პერსი ინგლისის ჩემპიონი გახდა და ჩემპიონთა ლიგაზეც იბრძოდა."
"მაგრამ უცებ ჩნდება ინფორმაცია იმის შესახებ, რომ ფერგიუსონი პენსიაზე გადის. როგორ ფიქრობთ, რას გრძნობდა პერსი მაშინ? მაგრამ ეს ადრეც რომ სცოდნოდა, მაინც დატოვებდა "არსენალს". იქ რომ დარჩენილიყო, თასის მოგების შანსი ნულის ტოლი იქნებოდა. "