ყველა ფეხბურთელს ბავშვობაში თავისი იდეალი ჰყავდა. შესაძლოა მათ ამ იდეალებისთვის არ მიებაძათ, მაგრამ ისინი იყვნენ პიროვნებები, რომლებმაც შთააგონეს ფეხბურთის სიყვარული. მარუან ფელაინიც არ ყოფილა გამონაკლისი და მან MUTV-თან მის იდეალზე ისაუბრა.
"როდესაც მე უფრო ახლაგაზრდა ვიყავი, ჩემი ფეხბურთის იდეალი ზინედინ ზიდანი გახლდათ. უამრავი დიდებული ფეხბურთელი არსებობს, მაგრალითად რონალდუ და მესი, მაგრამ მე ყოველთვის ზიდანი მიყვარდა. ის ერთადერთია ჩემთვის. ყველაფერი რასაც ის აკეთებდა თითქოს ძალიან მარტივი იყო. როცა ის თამაშობდა, გეგონებოდათ, რომ ის მოედანზე კი არა ბაღში იყო. მისი ყურება თამაშისას მშვენიერება იყო !"
ზიდანის გოლი "ლევერკუზენის" კარში 2002 წელი.
"ის თუ როგორ აკონტროლებდა ზიდანი ბურთს დღემდე დაუჯერებელია ჩემთვის. მისი კარიერიდან ჩემთვის გამორჩეული გოლი არის მისი გოლი "ლევერკუზენის" კარში 2002 წლის ფინალში. როგორ უყურებდა ის ბურთს, როგორ გაუშვა ბადისკენ.. ეს საოცარი გოლი გახლდათ. ის უბრალოდ ისეთი ფეხბურთელი იყო, რომლის ყურებაც მიყვარდა და მსიამოვნებდა. ძალიან ცოტას იპოვით მისნაირს. უფრო მეტიც, არამგონია მისნაირი არსებობდეს."
"მე ძალიან იღბლიანი აღმოვჩნდი, რომ შევხვდი მას რამდენიმე წლის წინ. ეს საოცარი გრძნობა იყო და მე სურათიც კი გადავიღე. ის დიდებული ადამიანია დიდებულ ფეხბურთელთან ერთად. ჩვენ ცოტა ხანი მიმოწერაც კი გვქონდა. ის ისტორიაში შევა ისე, როგორც ერთ–ერთი გამორჩეული და ხალხისთვის საყვარელი ფეხბურთელი,"–დაასრულა ფელაინიმ.