"მანჩესტერ იუნაიტედის" კაპიტანი, ნემანია ვიდიჩი მომავალ სეზონს "ინტერში" დაიწყებს. იტალიურმა კლუბმა ეს ინფორმაცია თავის ოფციალურ საიტზე გაავრცელა.
სეზონის დასაწყისში ნემანია ვიდიჩმა განაცხადა, რომ "ოლდ ტრაფორდს" დატოვებდა. მისი კარიერა კი "ჯიუზეპე მეაცაზე" გაგრძელდება.
"ვიდიჩი მსოფლიო კლასის ფეხბურთელია და ძალიან ბედნიერი ვარ, რომ ეს მოლაპარაკება შედგა. ის მსოფლიოს ერთ-ერთი საუკეთესო მცველია და მისი კლასი და საერთაშორისო გამოცდილება გუნდის მნიშვნელოვანი ნაწილი გახდება" - აცხადებს "ინტერის" პრეზიდენტი, ერიკ ტოჰირი.
2006 წელს "ოლდ ტრაფორდზე" გადმობარგების შემდეგ, ნემანიამ 5-ჯერ მოიგო პრემიერ ლიგა, სამჯერ ლიგის თასი და ერთხელ ჩემპიონთა ლიგა.