რობინ ვან პერსიმ შესაძლოა ტკივილის გამო სანაკრებო შეხვედრა გამოტოვოს და კლუბს დროზე ადრე დაუბრუნდეს. "ნარინჯისფერთა" რამდენიმე ფეხბურთელს აწუხებს ტკივილი, თუმცა ლუი ვან გაალის განცხადებით, არავითარი ეპიდემია არ არსებობს.
"ექიმმა დამარწმუნა, რომ ფეხბურთელების ავადმყოფობა ერთმანეთს არ უკავშირდება - ციტირებს გაალის სიტვებს De Telegraaf - ყველას განსხვავებული სიმპტომები აქვს. ერთს მუცელი აწუხებს სხვას კიდევ სხვა რამ."
"ზოგი ჭირი მარგებელია - ვინც გამოგვაკლდა მათ კარგად ვიცნობ, ამიტომაც ახლა სხვების დაკვირვების საშუალება მექნება. ვან პერსი და რობენი ისედაც წამოვიდოდნენ მსოფლიო ჩემპიონატზე."
ასე, რომ ჰოლანდიელი ფეხბურთელის მონაწილეობა შაბათის შეხვედრაში, რომელსაც "იუნაიტედი" "ვესტ ბრომვიჩის" წინააღმდეგ გამართავს, კითხვის ნიშნის ქვეშაა.