"რომას" მთავარმა მწვრთნელმა, რუდი გარსიამ განაცხადა, რომ მირალემ პიანიჩის ახალი კონტრაქტი მხოლოდ დროის საკითხია.
პიანიჩი, რომლის სახელსაც "იუნაიტედს", "არსენალსა" და "პსჟ"-ს უკავშირებდნენ, სერია ა-ს ერთ-ერთ კაშკაშა ვარსკვლავად ითვლება. მირალემის მოქმედი კონტრაქტი 2015 წელს იწურება, მაგრამ კლუბის ხელმძღვანელობა დარწმუნებულია, რომ მასთან ახალ კონტრაქტს გააფორმებს.
რუდი გარსიამ განაცხადა: "გარწმუნებთ, პიანიჩის შესახებ გავრცელებული შემდეგი სატრანსფერო სიახლე იქნება ის, რომ მან "რომასთან" ახალ კონტრაქტს მოაწერა ხელი."