ზაფხულის სატრანსფერო ფანჯრის დროს დევიდ მოიესი კლუბს რვა ახალი ფეხბურთელით გააძლიერებს.

ზედიზედ მეორე ზაფხულს "ოლდ ტრაფორდზე" სერიოზული რეფორმები მოხდება. თუკი შარშან საუბარი იყო სამწვრთნელო შტაბის გამოცვლაზე, ახლა საუბარია შემადგენლობის "ხერხემლის" შეცვლაზე.

როგორც Daily Mail-ი იტყობინება, "იუნაიტედი" არამარტო ნემანია ვიდიჩს გაუშვებს, რომელმაც უკვე განაცხადა ამის შესახებ, არამედ პატრის ევრას, რიო ფერდინანდს, ანდერსონს, ნანის, კაგავას, ხავიერ ერნანდესსა და რობინ ვან პერსისაც.

მასობრივი გაშვებები იმის მანიშნებელი იქნება, რომ "წითელი ეშმაკები" წინასასეზონო შეკრებას შეთხელებული შემადგენლობით დაიწყებენ. ამიტომ მოიესსა და აღმასრულებელ დირექტორს, ვუდვორდს მოუწევთ დიდი ჯაფის ჩადება, რომ გუნდი გააძლიერონ.

წყაროს ცნობით მოიესი 8 ახალ მოთამაშეს მოიწვევს კლუბში, რომელთაგან ერთ-ერთი ტონი კროოსი იქნება.

fapl.ru