გერმანელისთვის ბრძოლაში "იუნაიტედსა" და "რეალს" კიდევ ერთი კლუბი შეეცილება.
მიუნხენის "ბაიერნი" აპირებს გააკეთოს ერთგვარი სიურპრიზი და შეიძინოს "ბორუსიას" ნახევარმცველი, ილკაი გიუნდოგანი. 23 წლის ნახევარმცველი, რომლის ბედს "იუნაიტედსა" და "რეალს" უკავშირებდნენ შესაძლოა მესამე ფეხბურთელი გახდეს, რომელმაც ბოლო ორი წლის მანძილზე დორტმუნდული კლუბიდან მიუნხენს მიაშურა. გერმანელს "ბორუსიასთან" კონტრაქტი 2015 წლამდე აკავშირებს, ამჟამად კი ზურგის ტრავმის გამო უქმობს. ზაფხულში მისი ფასი დაახლოებით 25 მილიონი ევრო იქნება.
"ბაიერნი" გიუნდოგანისთვის იბრძოლებს
ნახევარმცველით "რეალი" და "იუნაიტედი' ინტერესდებიან
ტრავმის გამო ილკაის მიმდინარე სეზონი სრულად გაუცდა
წინა წელს მან ჩემპიონთა ლიგის ფინალში გოლი გაიტანა
როგორც მანამდე იყო ცნობილი, გიუნდოგანისთვის მადრიდული და მანჩესტერული კლუბები ბრძოდნენ. გერმანული გამოცემის, Focus-ის მიხედვით "ბაიერნს" მათ შორის ყველაზე კარგი შანსი აქვს ფეხბურთელის გადასაბირებლად. ეს ყველაფერი მოულოდნელი იყო, რადგან სულ რამდენიმე კვირის წინ "ბაიერნის" ხელმძღვანელებმა განაცხადეს, რომ აღარ აპირებდნენ "ბორუსიადან" ფეხბურთელის ყიდვას. მათ დორტმუნდიდან მარიო გიოტცე და რობერტ ლევანდოვსკი დაიმატეს.
ვუდვორდი და მოიესი ზაფხულში აქტიურობას აპირებენ
გიუნდოგანი ეცდება დაიმკვიდროს ადგილი გერმანიის ნაკრებში მსოფლიო ჩემპიონატზე
გიუნდოგანთან ერთად ვან პერსი უფრო შედეგიანი გახდება
რამდენიმე დღის წინ კარლ-ჰაინც რუმენიგემ განაცხადა, რომ დორტმუნდიდან ფეხბურთელების ყიდვას ტაბუ არ დაედებოდა, ასე რომ გიუნდოგანის მომავალი მიუნხენს კიდევ უფრო დაუკავშირდა. ის ბასტიან შვაინშტაიგერის შემცვლელად მოისაზრება.
გუარდიოლამ შესანიშნავი გუნდი შეკრიბა
"ბაიერნს" ლევანდოვსკიც შეუერთდება
მანამდე "ბაიერნში" მარიო გიოტცე გადავიდა
გიუნდოგანი "რეალის" შემტევ ხაზს კიდევ უფრო გააძლიერებდა
"იუნაიტედი" ეცდება არ დათმოს გერმანელი ნახევარმცველი. მათ ორი სეზონის წინ "ბორუსიადან" შინჯი კაგავა დაიმატეს. საგულისხმოა, რომ შინჯის მანჩესტერში გადასვლამდე გიუნდოგანის მსგავსად ტრავმა აწუხებდა.