ბავშვობაში დიდ მოთამაშეებზე დაკვირვება მიყვარდა. ამიტომ ზინედინ ზიდანს, ხუან რომან რიკელმესა და კაკას ვაკვირდბეოდი. რთულია რომელიმეს გამოყოფა, ამიტომ თითოეულ მათგანს ვაკრივდებოდი და მომწონდა მათი თამაშის სტილი. ძალიან პატარა ვიყავი, როცა ზიდანმა 1998 წელს საფრანგეთის ნაკრებს მსოფლიო ჩემპიონატი მოაგებინა. მის გვიანდელ კარიერაში კი იშვიათად ვუყურებდი მის თამაშებს.
პატარაობაში ძალიან მიყვარდა ფეხბურთი და ყურებითაც კი უდიდეს სიამოვნებას ვღებულობდი. თუ კი ვინმე ისე თამაშობს, როგორც რონალდინიო, ყველას სურს მისი ხილვა, რადგან ვიცი, რომ რონალდინიოს ბურთით ნებისმიერი რამის გაკეთება შეუძლია. იშვიათად ვპოულობდი მარცხენა ფეხით კარგად მოთამაშე ფეხბურთელებს, ამიტომაც ძირითადად მარჯვენა ფეხით მოთამაშეებს ვაკვირდებოდი - კრიშტიანუ რონალდუსა და დევიდ ბექჰემს. მე უდიდესი მოთამაშეებით ვარ გარშემორტყმული "იუნაიტედში" და ყოველ დღე რაღაცას ვსწავლობ.
ზიდანი, რიკელმე და კაკა 10 ნომრიანის პოზიციაზე მოთამაშეები იყვნენ. ეს კი ის პოზიციაა, რომელზე მოთამაშე ფეხბურთელებიც ყველაზე მეტად მიყვარს. მეც ვითამაშე ერთხელ "ნორვიჩის" წინააღმდეგ ამ პოზიციაზე და ძალიან გახარებული ვიყავი, მაგრამ ფლანგზე თამაში გაცილებით მირჩევნია და უკეთესადაც გამომდის. მე სხვადასხვა პოზიციაზე შემიძლია თამაში - რეზერვებში ცენტ-ფორვარდი ვიყავი და ვფიქრობ კარგადაც გამოვიყურებოდი. პირველ რიგში გუნდისთვის ყველაფერი უნდა გაიღო და მე არაფერს ვიშურებდი. რაც ყველაზე მნიშვნელოვანია - რეალიზაციაზე ბევრს ვმუშაობდი. მწვრთნელმა შანსი მომცა და მსურდა მისი ბოლომდე გამოყენება.